2018年11月22日 星期四

【拍劇兼賣避孕套養家】「是咁的律師」單親林秀怡救患癌母 十年積蓄一鋪清(足本版) __,林秀怡,癌,

喺《是咁的法官閣下》飾演黃智賢徒弟嘅大律師林秀怡,網民大讚佢演技,勁LIKE!成個鄰家女孩咁款嘅佢,現實係天水圍單親家庭,一個堅強孝女寫照,搏命做嘢, ...




喺《是咁的 法官閣下》飾演黃智賢徒弟嘅大律師林秀怡,網民大讚佢演技,勁LIKE!成個鄰家女孩咁款嘅佢,現實係天水圍單親家庭,一個堅強孝女寫照,搏命做嘢,節衣縮食,為嘅係搵錢醫患癌嘅阿媽。

八歲就父母離異嘅林秀怡,自此同媽咪住公屋相依為命。有指林媽十幾年前跌傷之後,唔可以再工作,所以林秀怡十七歲中學畢業,就擔起頭家。

入行前喺惠康超市做過收銀,08年佢考入藝訓班,四年前人工都仲係得七千,捱到今日據知底薪都只係得一萬,為咗搵多啲錢養家同應付媽咪醫藥費,拍劇同時試過身兼三職,網上賣避孕套,又俾人發現喺尖沙咀一間日本餐廳做侍應。

一直節衣縮食,著爛衫返工都唔肯買新衫嘅佢,目標只有一個,儲錢脫貧,俾阿媽生活好啲。點知今年初,佢媽咪患上cancer,為咗救阿媽,佢將十年嚟辛辛苦苦儲起十幾萬血汗錢,用晒黎醫阿媽!

早幾日,我地發現唔使開工嘅林秀怡,街坊裝落樓,陪住抗癌嘅媽咪去公園散下步,第二日,著返同一件衫嘅佢,拖著阿媽去買餸,十幾歲就開始孭起頭家嘅林秀兒,佢似阿媽照顧個女一樣,全程拖實阿媽行街市之餘,買咩菜、俾錢,統統由佢負責。

雖然出身卑微,但林秀怡從來冇埋怨,喺大台捱住低收入嘅嚴寒日子足足七八年。為慳錢,佢一收工就返屋企,好少娛樂。入行頭幾年,有同事收工嗌gathering,林秀怡一個月都只係參予一兩次,佢同朋友講,唔會因為咁唔開心,因為天水圍好多家庭都係咁,佢唔覺得自己係最慘嘅一個。不過幾硬淨嘅人,都會有頂唔順嘅時候,喺大台初期,做緊二打六時,因為面對生活壓力,佢曾經話:「唔可以俾阿媽知,所以返屋企要趁沖涼時喊,搣住個鼻喊就冇咩聲。不過我性格樂觀,好快冇事。」

拍咗十年劇,默默耕耘嘅佢或者對外界黎講唔算起眼,但好多監製都留意佢,事關佢為生活,佢喺大台出咗名勤力兼搏命,深得好多監製痛錫,近年演出機會越嚟越多,上年佢俾華星冰室老闆,亦係圈中經理人嘅文滌睇中,簽為旗下藝人。 其中一日佢就約咗呢位經理人傾公事,希望林秀怡之後有更多機會,媽咪又抗癌成功,等呢個天水圍孝女可以鬆一口氣

立即下載Apps,隨時隨地睇盡時政專題、深度偵查、娛樂熱話!按此連結:http://bit.ly/next28app

鍾意就快D Share啦!
Related Posts Plugin for WordPress, Blogger...