熱爆娛樂: 【王菲兩個女】童童替韓星紋「罪」字李嫣初登雜誌封面 _

2018年11月22日星期四

【王菲兩個女】童童替韓星紋「罪」字李嫣初登雜誌封面 __,李嫣,王菲,竇靖童,童童,

49歲王菲今年8月參與大陸綜藝節目《幻樂之城》演出，傳要一億元人民幣酬金先請得郁天后登場，最後一集仲有兩個女竇靖童同李嫣一齊上台，真係好難得。

21歲竇靖童係王菲同竇唯所生，而12歲李嫣就係王菲同李亞鵬所生；但兩個女都遺傳父母演藝細胞，對娛樂圈甚有興趣。童童已經出道做歌手，而且好喜歡紋身，韓國人氣樂隊Hyukoh嘅主音吳赫噚日喺ig貼咗童童為佢紋身時拍攝嘅相片，佢透露早前去北京與童童見面，吳赫幫童童喺前手臂紋咗兩隻螞蟻，竇靖童就幫對方喺小腿紋咗一個「罪」字。見童童啲書法都好有個人特色，似係cute版，反而吳赫嘅螞蟻圖案甚具專業水平。

而年紀輕輕嘅李嫣近年獲唔少品牌睇中邀請行騷，早前為巴黎時裝周行catwalk，最近更首度登上雜誌封面，換上多套服裝，散發少女青春氣息。李嫣表情多多，一時調皮，一時勁Chok，網民都大讚佢越來越有王菲嘅氣質，而樣貌就似足爸爸李亞鵬。

李嫣喺訪問中分享生活，仲想同關心佢嘅人講一聲：「我長大了，謝謝！」今年9月時，李亞鵬接受大陸媒體訪問，被問係咪好期待李嫣加入演藝圈？佢話會尊重女兒意願，而早前行騷大多為慈善公益，佢話﹕「跟她進不進娛樂圈沒關係！」此外，李亞鵬喺另一個訪問中透露，自出世就有唇腭裂嘅李嫣，今年八月接受了一次階段性嘅手術，仲要全身麻醉，但李嫣一點恐懼同緊張都冇，反而李亞鵬有點不安，李嫣仲要求同爸爸自拍一張才入手術室，令李亞鵬等女兒做手術期間，悄悄地喊咗出嚟。

Google Play 2018 年度最受歡迎應用程式，請即點擊

http://bit.ly/2FCthz5 投《蘋果動新聞》一票

精選娛聞，喺晒《娛果》 http://fb.com/appledailyent

王菲兩個女均遺傳父母演藝細胞，對娛樂圈甚感興趣。(互聯網圖片)	童童為吳赫紋咗一個字.......(ig圖片)	 罪，靚唔靚，見仁見智(ig圖片)
 童童真係好愛紋身(ig圖片)	 吳赫 (ig圖片)	 李嫣為雜誌拍攝封面，表情多多。 (互聯網圖片)
 (互聯網圖片)	 展現少女青春氣息(互聯網圖片)	 李嫣明顯對娛樂圈甚感興趣，李亞鵬表示會尊重女兒決定。 (互聯網圖片)