2018年12月29日 星期六

【去年小產】61歲老公有心有力 陳少霞宣佈懷孕3個月:冇諗過可以自然有BB __,陳少霞,

陳少霞為61歲丈夫李文輝懷孕3個月。(資料圖片)
42歲陳少霞同前夫生咗2個女之後離婚收場,但最終畀佢再搵到幸福,喺前年同61歲「法拉利之父」李文輝結婚。原來陳少霞結婚後一直想為老公生個BB,今日有報 ...


42歲陳少霞同前夫生咗2個女之後離婚收場,但最終畀佢再搵到幸福,喺前年同61歲「法拉利之父」李文輝結婚。



原來陳少霞結婚後一直想為老公生個BB,今日有報道就話陳少霞去年原來曾經小產,因為呢件事,陳少霞大受打擊,有段時間同外界完全隔絕,後來佢接受醫生建議接受人工受孕,可惜唔成功,陳少霞唯有打消生BB嘅念頭,點知竟然自然懷孕,令陳少霞同老公都相當開心。



《蘋果》今日打畀陳少霞求證懷孕一事,佢先透過短訊話:「感謝主,感謝大家的祝福!這次懷孕不是預期之內的,我對懷孕沒有太大信心了,但我在9月23日受浸後,10月我就懷孕了!所以真是神給我們最好的祝福!再一次感謝大家對我們的關心,願主賜福給你們。」之後佢再話:「我同Richard都好感謝你哋咁關心我哋,係呀,好開心,咁樣嘅age,我哋都冇諗過可以自然有BB㗎,所以真係好感謝主。」



精選娛聞,喺晒《娛果》

http://fb.com/appledailyent



陳少霞為61歲丈夫李文輝懷孕3個月。(資料圖片) 陳少霞早前同丈夫返大陸旅行。(微博圖片) 陳少霞早前同丈夫返大陸旅行。(微博圖片)
陳少霞話冇諗過可以自然有BB。(資料圖片)

陳少霞話冇諗過可以自然有BB。(資料圖片)

鍾意就快D Share啦!