熱爆娛樂: 【狗仔出更】余思霆貼身褲引途人圍觀拍戲緊張到手揈揈 _

2018年12月29日星期六

前華姐冠軍余思霆（Stitch），樣子甜美又有身材，都被網民捧為宅男女神。今年開始有劇拍嘅佢，繼《救妻同學會》、《好日子》後，最近又拍緊新劇《她。她。她的少女時代》。

前晚8點半左右，《蘋果》喺中環荷李活道，見到余思霆同曹永廉拍緊《她》劇，余思霆一身緊身衫襯貼身牛仔褲，雖然件衫係長袖，但因為好緊身令其身材表露無遺，所以現場吸引唔少男士駐足圍觀。

呢場戲係講余思霆飾演嘅大學生，喺中環街頭要帶住飲醉酒嘅阿媽截的士，但一直都截唔到車，後來飾演成功人士嘅曹永廉，揸住名車停喺兩母女前面，然後接咗佢哋走。

現場所見，可能余思霆拍戲經驗尚淺，呢個簡單嘅截車戲，拍咗好幾次導演先收貨。當佢等緊roll機時，見佢企唔定又動作多多，而佢嘅緊張表情仲出賣咗佢。

至於曹永廉捱咗咁多年，今次終於喺《她》劇擔正做男一，演戲經驗豐富嘅阿廉，未埋位時，攞住電話撳訊息，十分輕鬆，拍咗一陣好快就搞掂。至於呢套劇嘅故仔係講中年危機，阿廉仲同田蕊妮演兩夫婦。

精選娛聞，喺晒《娛果》

http://fb.com/appledailyent

【編輯推介】

劉德華聲沙落淚個唱中途腰斬

http://bit.ly/2Q55rvv

【離婚聲明後一周出席活動】「單身冪」成都獲獎少女送抱安慰？

http://bit.ly/2EU2mNc

【再剃眼眉？】ViuTV撼贏無綫製作除夕倒數活動搵林子祥及《造星》囝囝撐場

http://bit.ly/2LBbreS

「一休和尚」日本配音員藤田淑子乳癌離世享年68歲

http://bit.ly/2EVHJzQ

【全球百大美女帥哥】周子瑜再封亞洲第一美人 BTS全員上榜

http://bit.ly/2GSHGI2

攝影︰畢紹基、陳辰	余思霆埋位時，表情有啲緊張。	 一身緊身衫嘅余思霆，身材不俗。
 劇情講佢帶飲醉酒嘅阿媽截車走。	 點知一路截唔到車，而呢場戲都拍咗好幾次。	 戲中曹永廉揸車停喺兩母女面前，不過拍攝時揸車嘅唔係阿廉。
 未埋位嘅阿廉，企喺街頭撳電話。	 之後就同導演傾兩句就埋位。	 現場引來好多途人圍觀。