2018年12月29日 星期六

郭富城:BB好腳頭!郭富城愛駒跑第一 __,郭富城,

勁呀!天王郭富城愛駒「舞士精神」,今日第一次出賽呀!未開賽前,呢隻人氣王已經係全城熱話,相當受歡迎,咁梗係喇,城城事隔數年後再做馬主,而且呢匹三歲仔之 ...


勁呀!


天王郭富城愛駒「舞士精神」,今日第一次出賽呀!未開賽前,呢隻人氣王已經係全城熱話,相當受歡迎,咁梗係喇,城城事隔數年後再做馬主,而且呢匹三歲仔之前試閘仲跑第一,有晒支持,所以一路都係大熱門最多人買!

開跑喇!「舞士精神」今場由冠軍騎師潘頓出戰四班一千米最短途,沿途前速飛快,走勢好對辦,結果順利以第一名身份過終點,仲叻到2.6倍大熱門贏,馬主城堅係風騷到爆,佢拖住老婆方媛即時殺入凱旋門,在場攝記鬥爭位、猛咁影住佢,仲影到城城笑到八萬咁口呀!

呢場四班賽頭馬獎金係52萬,城城佔七成即係有近36萬,第一次出賽已經收返咁多錢,爽呀!仲有噃,城城剛剛先公布再添丁,今日2018年最後一次跑馬日即刻拉頭馬,BB好腳頭呀,個個都讚佢乖喇!


來源 source: http://hk.on.cc
鍾意就快D Share啦!
Related Posts Plugin for WordPress, Blogger...