劉德華因為喉嚨痛，在醫生勸說下無奈要暫停演出，個唱腰斬。華仔在紅館內無奈宣佈消息後，向歌迷鞠躬，再轉身返回後台，據消息指華仔已離開。
《蘋果》記者到達紅館時，歌迷已陸續離開，但未見劉德華離開。大約晚上10點左右，有紅館女職員向在後門聚集的歌迷表示，稍後會有退票安排，呼籲歌迷離開。有歌迷問聽日、後日華仔會否繼續演出，女職員未有表示就返回後台。
今晚有去聽演唱會的Jeana何佩瑜：「開頭氣氛好好，唱咗幾首歌，真係聽得出佢把聲好沙，希望佢好番，快養番好把靚聲。最後宣佈腰斬時，佢都喊，好多人戥佢心痛，我媽咪都喊，我媽咪同細佬都係第一次睇演唱會。」今晚亦有去睇演唱會的胡杏兒回覆《蘋果》時，佢話：「希望佢快啲快啲好番。」任達華夫婦同樣有入場睇華仔演出，琦琦晚上於微博表示：「今天看到了一個偶像，一個真正的榜樣，佩服他的敬業態度，加油Andy.祝你快速康復，最棒的偶像」
Sammi在ig話原本約好聽日去睇演唱會，但知多年拍檔要腰斬個唱，為對方打氣：「大家都明白你已經盡全力，把最好的演出呈現，聲帶出現問題是不能預計的。Mi非常明白在演唱會『失聲』的感受。今天下午還跟你互text message，約好明晚來看你演唱會…不過，我想華仔知道，mi跟所有觀眾一様，你的身體健康最重要，無論你有甚麼決定，大家都支持你。」
蔡瀚億在ig感謝華仔堅持演出：「由自己親口說出將演出腰斬的勇氣以及那種痛，只有表演者才會體會到。雖然我只看了短短一小時也不夠的演出，但令到我對你的敬重再一步昇華，祝你早日康復，再次燃燒整個舞台！多謝你今晚堅持的演出，多謝你的《如果有一天》。」
|
鍾意就快D Share啦！
|
|
|
