掃呢頁CODE去手機

2018年12月26日 星期三

【狗仔出更】陳展鵬傍實大肚單文柔濕平 愛妻號拎戰利品 __,單文柔,陳展鵬,

攝影:黃曉程、朱志聰、孔志豪
陳展鵬今年10月迎娶16年落選港姐單文柔,佢哋新婚僅一個月就報喜,出年做豬爸媽,單文柔已懷有「小豬比」,展鵬事後見記者時話估計老婆有咗3個月(新聞連結 ...


陳展鵬今年10月迎娶16年落選港姐單文柔,佢哋新婚僅一個月就報喜,出年做豬爸媽,單文柔已懷有「小豬比」,展鵬事後見記者時話估計老婆有咗3個月(新聞連結: https://bit.ly/2Bg2C5v ),計番日子,佢哋係奉子成婚。



展鵬係愛妻號,老婆有咗好緊張,出街都要傍到實,佢哋日前去咗中環行商場,拍拖濕平,展鵬負責拎住啲戰利品,等陀B有4個月嘅老婆可以輕輕鬆鬆享受購物樂。不過展鵬因為戴咗口罩,難免被人望多兩眼而認出。佢哋行到攰攰哋,單文柔唔知係咪口渴,佢行先入咗間咖啡店買嘢飲,跟住兩公婆就去咗商場嘅客戶服務中心,估計係搞免費泊車優惠,單文柔周圍望,眼利發現有記者偷拍,佢立即同老公單一聲,佢哋隨即收起笑容變嚴肅,然後箭步走去搭電梯落停車場。唔知展鵬係咪同老婆拍拖買BB嘢,佢當日回覆傳媒時話:「多謝關心,咁啱經過,買自己年尾做嘢啲衫咋。」



唔單止係單文柔陪老公買衫,有時展鵬都會陪老婆行街買嘢。好似之後幾日,《蘋果》又撞見佢兩公婆出動,今次輪到展鵬陪老婆買衫,佢哋下午3點半喺中環一個商場嘅時裝店睇便服,展鵬全程企側邊陪老婆睇女裝,企足20分鐘,之後就同老婆排隊畀錢。展鵬見到記者影相都有笑一笑,而離開舖頭時,展鵬小心呵護住大肚老婆,跟住兩個人去停車場攞車走。



精選娛聞,喺晒《娛果》

http://fb.com/appledailyent



攝影:黃曉程、朱志聰、孔志豪 陳展鵬戴住口罩出動。 陳展鵬戴住口罩出動。
陳展鵬陪大肚單文柔去中環行街。

陳展鵬陪大肚單文柔去中環行街。
陳展鵬陪老婆恩愛出巡。

陳展鵬陪老婆恩愛出巡。
過咗幾日,兩公婆就趁假期去買便服。

過咗幾日,兩公婆就趁假期去買便服。
陪老婆行街眼瞓到打呵欠?早啲返去休息下啦。

陪老婆行街眼瞓到打呵欠?早啲返去休息下啦。
 離開舖頭時,展鵬小心呵護住大肚老婆。

離開舖頭時,展鵬小心呵護住大肚老婆。
跟住兩個人去停車場攞車走。

跟住兩個人去停車場攞車走。

鍾意就快D Share啦!