掃呢頁CODE去手機

2018年12月26日 星期三

意甲:阿里基:C朗今場同我一齊睇波 __,C朗,基斯坦奴朗拿度,

意甲今晚(26日)「拆禮物日」上演連場大戰,10點開波嘅阿特蘭大主場對祖雲達斯,冇C朗份,祖記教練阿里基已經講明,呢位葡萄牙球王將會先做後備。阿里基話 ...




意甲今晚(26日)「拆禮物日」上演連場大戰,10點開波嘅阿特蘭大主場對祖雲達斯,冇C朗份,祖記教練阿里基已經講明,呢位葡萄牙球王將會先做後備。

阿里基話:「C朗今場會坐喺後備席上,我哋可以一齊睇波,我對佢之前嘅努力感到高興,當然其他人亦一樣。」

翻查紀錄,C朗對上一次喺聯賽擔任後備,已經係2011年4月23日,當時皇馬大勝華倫西亞6:3,換言之,已經相隔咗7年零8個月,真係恍如隔世。

2011年世界上亦發生多件大事,包括日本發生九級大地震,觸發海嘯,北非突尼斯爆發茉莉花革命,演變阿拉伯之春。歐洲出現債務危機,出現所謂嘅歐豬五國,仲有恐怖大亨拉登被殺。

當年球壇曼聯領隊費格遜仲未退休,並率領曼聯打入歐聯決賽,法甲新星基利安麥巴比只係12歲,尼馬仲踢緊巴甲球隊山度士。

至於點解阿里基今場會安排C朗做後備,可能因佢腳風唔多順,近6場比賽只靠12碼入2球,上場錯失入波機會後,更加發脾氣踢門柱,阿里基可能想畀佢冷靜一下。

支持本地運動員,一齊去「睇體」!

https://bit.ly/2DxX4XI 

東網體育FB同你追實體壇每個精彩時刻!

http://bit.ly/2ecTF2A 

Follow東網體育IG一齊撐本地運動員!

http://bit.ly/2EYxoRh 


來源 source: http://hk.on.cc
鍾意就快D Share啦!