掃呢頁CODE去手機

2018年12月26日 星期三

【娛樂人物】睇透TVB山頭文化鄧英敏做凸小角色 __,TVB,

鄧英敏在無綫多年,見盡公司內的山頭文化,他卻從不埋堆,只因他覺得山頭總有一日會冧。
鄧英敏在無綫多年,見盡公司內的山頭文化,他卻從不埋堆,只因他覺得山頭總有一日會冧。入行44年的鄧英敏是典型的五十後香港人,襟撈、襟捱愛打拼,更在公仔箱 ...


入行44年的鄧英敏是典型的五十後香港人,襟撈、襟捱愛打拼,更在公仔箱見盡世情。他日前接受《蘋果》專訪,直言山頭文化不可怕,皆因從不埋堆:「高層得閒咪搞吓政治囉。」演盡小角色的他提到在娛圈的得失,更說:「如果100分滿分,我攞凸咗,有120分!」

撰文︰祖李

攝影︰沈健程

相關新聞:逼盧海鵬發老脾

現年67歲的鄧英敏一生鍾情演藝圈,入行初期就加入《歡樂今宵》這條木人巷,成功練得十八般武藝,更成為金牌司儀。他日前與節目拍檔何國材(十一哥)一同接受《蘋果》專訪,自嘲平、靚、正,所以才能在行內屹立多年。

鄧英敏74年參加無綫藝員訓練班入行,同期同學還有周潤發、盧海鵬及羅冠蘭等,在無綫多年的他,拍過多部電視劇、也參與過不少綜藝節目。汪明荃年初在台慶頒獎禮,直斥無綫的山頭文化令人才流失、阻礙發展,鄧英敏直言:「每間大公司都有山頭文化,我覺得上面嗰班高層,可能因為得閒得滯,你有冇見過啲導演搞山頭文化?啲高層得閒咪搞吓政治囉,人性嚟啫!」他也從不埋堆:「埋堆唔係長久辦法,萬一埋嗰個堆冧咗,咁點算!」



鄧英敏在78年加入《歡樂今宵》,曾與陳玉蓮拍檔。電視圖片 鄧英敏在78年加入《歡樂今宵》,曾與陳玉蓮拍檔。電視圖片
拍過多部劇集的鄧英敏,在《衝上雲霄II》與胡杏兒、吳卓羲有對手戲。劇照

拍過多部劇集的鄧英敏,在《衝上雲霄II》與胡杏兒、吳卓羲有對手戲。劇照

綠葉都要交戲

周星馳在電影《喜劇之王》中,最愛俄國著名戲劇家史坦尼斯拉夫斯基的著作《演員的自我修養》,鄧英敏也是一樣。飾演綠葉多年的他,在《衝上雲霄II》、《是咁的,法宮閣下》、《棟仁的時光》等劇集也甚為搶鏡,鄧英敏自言,雖然戲份不多,但每個角色都有發揮空間︰「唔好睇小嗰幾句對白,都要氣力、有戲,接口要得,就算鏡頭唔係影住我,我都會畀戲對手,要贏就贏呢啲!」談到在娛樂圈得失,他躊躇滿志︰「如果100分滿分,我攞凸咗,有120分,我讀書唔多,但喺呢行好多崗位都做到成績又開心。我成日叫太太提醒我,如果發現我喺台上老態龍鍾,就好退出嘞。」

相關新聞:混血女婿漢化好啱傾



演過不少綠葉角色的鄧英敏,覺得每個角色都有發揮空間。

演過不少綠葉角色的鄧英敏,覺得每個角色都有發揮空間。
汪明荃年初在台慶頒獎禮,明寸無綫的山頭文化阻礙發展。資料圖片

汪明荃年初在台慶頒獎禮,明寸無綫的山頭文化阻礙發展。資料圖片

無心插柳移民

香港97年回歸中國內地,不少港人移民外地,鄧英敏一家四口也在92年移民加拿大溫哥華,他形容當年只是無心插柳︰「好多人以為我喺嗰邊住咗好耐,其實只逗留兩、三星期,嗰邊節奏唔啱我,加上仔女喺香港讀國際學校讀得好好,咪留番喺香港囉。其實嗰次係陪朋友搞移民,去到俾人游說埋。更重要係佢只收我8,888蚊,好抵!嗰陣移民要畀十萬八萬㗎!」赴加拿大逗留期間,鄧英敏也有四出睇樓︰「嗰邊揀唔到心水樓,加上要搵到好嘅工作並唔易。我又唔捨得放低老婆、仔女做太空人。嗰陣公司畀我發揮到,司儀、唱歌、演員,連幕後都有。」

身為穩陣派的鄧英敏,當年賺到錢就投資磚頭,高峯期更有十個單位,可惜適逢97年金融風暴,險令他一鋪清袋。鄧英敏憶此這段往事仍心有餘悸︰「嗰陣單位有十個八個,有啲賤價賣咗,有啲收租,我自己層樓都要供好多,好彩親友信得過我,借錢畀我度難關,嗰兩、三年好艱難。」經此一役,鄧英敏也減少物業數量,因為不想重蹈覆轍。



愛妻要「三半」

訪問期間,鄧英敏太太全程在老公身旁打點,離開酒樓時,鄧英敏拖實老婆,笑說:「驚佢踩落個氹。」十分細心。與太太多年恩愛,原來他全靠「三半」,就是半盲、半聾及半啞。他說︰「有時講嘢講一半咪算囉,嗰一半唔應該講就收口啦。隻眼都係,有啲嘢當睇唔到咪算囉,大學問嚟。」

拍檔十一哥也是愛妻號,五年前因妻子患肝癌,他便貿然結束生意照顧至愛,可惜愛妻不幸過世,他現在就不時做義工、唱慈善騷。「十一哥」的稱號也是源自太太:「太太提議我唱鄭錦昌嗰隻《十一哥》,自此就成為我飲歌,大家唔知我真名,只知我叫十一哥。」

場地提供︰跑馬地竹園酒家




鍾意就快D Share啦!