香港嘅土地問題到底有幾嚴重，令到呢位哥哥仔公然喺港鐵站對住陌生女性做出猥褻行為？受害人盧小姐挺身而出舉報，癡漢仲苦苦哀求「畀次機會！」
讀者盧小姐周一（10日）約咗朋友喺黃大仙食晚飯，去到閘口嗰陣盧小姐行埋一邊用手機搵緊路，「突然發覺有個人貼住我企，我行過啲，佢又行埋啲」。雖然當時係傍晚6點幾放工時間，但未至於企到人逼人，盧小姐抬頭見到一名男子望住自己，隻手伸入褲襠有所動作，由於癡漢揹住背包，盧小姐擔心佢有攻擊性武器於是走人，「佢追住我，隻手仲喺條褲入面」。
盧小姐向港鐵職員求助，癡漢即時走落月台，職員陪盧小姐去月台捉人，「佢突然彈出黎，自我介紹『我叫陳XX』呀！」兩名港鐵職員將癡漢捉住，對方見衰咗即哀求「畀次機會吖！」警員到場後以公眾地方行為不檢拘捕該名姓陳（37歲）男子。
你敢爆，我敢獎！ 立即WhatsApp《蘋果》24小時爆相爆片熱線或致電：63836568
|
鍾意就快D Share啦！
|
|
|