網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年1月9日 星期三

【美魔女需苦幹!】走出黑暗生活 53歲李麗珍:今年生日過得特別快樂 __,李麗珍,

(網上圖片)
【新增內容】噚日係李麗珍(珍妹)嘅53歲生日,話晒珍妹喺娛樂圈打滾幾十年,當然識咗唔少好朋友,於是一班朋友相約珍妹一齊慶祝,好姊妹張文慈(Pinky) ...


【新增內容】



噚日係李麗珍(珍妹)嘅53歲生日,話晒珍妹喺娛樂圈打滾幾十年,當然識咗唔少好朋友,於是一班朋友相約珍妹一齊慶祝,好姊妹張文慈(Pinky)噚晚喺社交網post咗啲party相,原來佢同埋關禮傑、吳嘉麗、巨聲幫嘅陳國峰、仲有坤哥吳業坤等等,齊齊為珍妹慶祝生日。



Pinky仲post咗同珍妹頭貼頭嘅合照,不過成件事嘅亮點,當然係珍妹凍齡有術啦。珍妹83年入行拍電影,嗰陣已經有唔少人讚佢個樣好pure,點知轉個頭走去拍三級片,由玉女變咗做性感女神,之後又返咗去無綫拍劇、做歌手、拍電影,喺99年仲憑許鞍華執導嘅電影《千言萬語》,成為金馬獎同金紫荊獎嘅最佳女主角。



近年珍妹嘅生活比較清閒,大部份時間喺加拿大陪阿女許倚榕,不過囡囡好快就大學畢業,珍妹話考慮緊究竟拍番戲,抑或係發展自己興趣畫畫,最近珍妹仲搵咗陳國峰做健身教練,話目標係練出人魚線,唔知佢係咪有新搞作呢?



今日珍妹亦有喺Ig留言,佢話:「這七年來都沒特意慶祝,但今年生日過得特別快樂,之前過著一塌糊塗嘅感情生活,使得自己抑鬱了很久,一直都不願意去面對大眾,把自己封閉著,多得一班朋友對我的用心,沒有放棄及離開我,令我終於都開竅,明白到日子都總要過,失去了愛情,但原來身邊還有一班支持我的人,終於明瞭自己並不孤單,多謝朋友們,也希望大家像我一樣,可以走出黑暗,不用怕,再難過的都會過,謝謝!#國峰督促我運動keepFit#坤哥有時指點我唱歌」



精選娛聞,喺晒《娛果》

http://fb.com/appledailyent



(網上圖片) 張文慈喺網上post咗同珍妹慶祝生日嘅相!(微博圖片) 張文慈喺網上post咗同珍妹慶祝生日嘅相!(微博圖片)
個個都keep得好好喎!(微博圖片)

個個都keep得好好喎!(微博圖片)
估唔到坤哥都係珍妹嘅朋友。(Ig圖片)

估唔到坤哥都係珍妹嘅朋友。(Ig圖片)
最近珍妹搵咗陳國峰做健身教練。(Ig圖片)

最近珍妹搵咗陳國峰做健身教練。(Ig圖片)
珍妹近排同唔少朋友慶祝生日。(Ig圖片)

珍妹近排同唔少朋友慶祝生日。(Ig圖片)
珍妹近年大部份時間喺加拿大陪囡囡。(資料圖片)

珍妹近年大部份時間喺加拿大陪囡囡。(資料圖片)
珍妹喺《開心鬼》系列,以清純見稱!(資料圖片)

珍妹喺《開心鬼》系列,以清純見稱!(資料圖片)

鍾意就快D Share啦!