熱爆娛樂: 【宇宙最強外母】甄子丹影全家福做配角 60歲索外母晒腿最搶鏡 _

2019年1月9日星期三

汪詩詩最近一家人就去影樓影「汪氏」全家福留念，當中包括佢父母，佢自己一家，即包括「宇宙最強」老公甄子丹同一對仔女，妹妹汪圓圓同佢老公蔡加讚，加佢哋大女同一對孖仔，合共11人，認真熱鬧。

11人影合全家福製作相當認真，大家都盛裝打扮，即係男就西裝，女就晚裝裙嘅造型，張相入面，就由詩詩父母做主角，企正中間位置，而平時拍戲做開主角嘅子丹，就企埋一邊。除咗子丹呢個女婿做「配角」係亮點，另一個亮點就係子丹嘅外母汪媽媽，罕有性感，佢着住黑色交叉吊帶開衩晚裝，大騷手臂兼黃金左腳。

汪媽媽真係keep得唔錯，佢今年60歲，唔係大子丹好多，只係相差5年，佢兩個女詩詩同圓圓都分別37歲同32歲，佢哋3母女企埋一齊似三姊妹多啲，所以汪媽媽嘅凍齡功力都唔輸蝕。

精選娛聞，喺晒《娛果》

http://fb.com/appledailyent

子丹外母上月開Ig戶口，有post自己嘅相，稱自己已60歲。(Ig圖片)	 汪圓圓同蔡加讚一家，小朋友全部「加工」遮樣。	 甄子丹做開主角，大合照中就靠邊站。
 子丹外母喺全家福照入面最為性感。	 子丹外母喺Ig擺咗自己後生時嘅跳舞相。(Ig圖片)

鍾意就快D Share啦！