《微博之夜》係大陸娛圈一大盛事，好多大卡司明星都會俾面出席。粒粒女星都盛裝打扮就固然之啦，但成功脫穎而出嘅係憑著上爆乳高衩晚裝嘅林志玲，已經44歲嘅佢成功打低26歲嘅迪麗熱巴，成為全場焦點。網民通通大讚志玲姐姐44歲都Keep得好好，簡直無得輸。以為每個男人都會拜喺佢嘅石榴裙下？錯大陸影帝劉燁就示範俾你睇咩叫正人君子。網上有條片影住劉燁同志玲姐姐，片中坐喺志玲姐姐隔離嘅劉燁完全無理過露出乳溝嘅志玲姐姐，而係自己靜雞雞係褲袋拎瓜子出嚟食。條片一出，網民表示堂堂影帝竟然自備瓜子去會場，仲邊睇騷邊食，真係令人驚訝，唔少人都表示俾佢笑死，又問佢做乜唔分啲俾志玲姐姐。不過之後有張相係志玲姐姐摸住劉燁塊面，唔通係因為劉燁唔理佢而唔服氣？其實劉燁都唔係咁無情嘅，佢有拎電話同林志玲，趙微兩位女神自拍。只不過瓜子一定重要過兩位女神囉！
來源 source: http://nextplus.nextmedia.com
|
鍾意就快D Share啦！
|
|
|