2019年2月12日 星期二

方力申:新舊主持碰頭 Bob寸爆方力申:唔係假㗎! __,Bob,方力申,林盛斌,

藝人方力申今晚現身九龍灣,出席有份演出的賀歲歌舞電影新春團拜活動,席間同第二輯《美女廚房》的主持人之一林盛斌(Bob)正面交鋒,即場上演《美》現場版, ...


藝人方力申今晚現身九龍灣,出席有份演出的賀歲歌舞電影新春團拜活動,席間同第二輯《美女廚房》的主持人之一林盛斌(Bob)正面交鋒,即場上演《美》現場版,邀請楊詩敏(蝦頭)及陳明恩上台對決,煮出千層闊條麵,再交由王祖藍及毛舜筠試食評分。

提起日前與梁漢文一齊擔任好友鄭中基演唱會嘉賓,表示有意製作《美男廚房》一事,獲ViuTV舉手支持,於自家Facebook官方專頁指歡迎隨時合作,小方聽到都大讚香港娛樂圈好團結:「呢啲咪好玩地方,乜嘢都有回應,覺得幾得意,大家各自令到件事更加有火花。」又指當晚是三人10年後再重聚,台上唱歌期間感受到觀眾的熱情,唱到唔捨得走。

小方表示自己都好想開節目,或可轉形式開Talk騷、群星拼盤騷,記者笑指今晚新春團拜活動地址樓下正正是ViuTV大本營,着他去傾合作,他打趣指同ViuTV相熟:「之前都做過節目《美選D.n.A》。(更易話為?)睇緣分啦,我話唔到事嘅。(咁邊個話事?)個天呀!」再爆剛與Bob碰面時即被對方「口頭警告」笑言:「我哋個節目唔係假㗎!」小方表示都有同Bob解釋只是台上氣氛:「做得藝人就要娛樂大家,講咗出嚟大家開心得啖笑,最重要係講嘅內容係唔可以傷害到人,而佢哋個節目非常成功攞晒獎,佢都知(我講笑)嘅,佢寸我啫!」

----------------------------

東網巨星開咗ig喇,大家快啲follow

https://bit.ly/2JjSVcr


來源 source: http://hk.on.cc
鍾意就快D Share啦!
Related Posts Plugin for WordPress, Blogger...