與癌魔對抗7年的抗癌歌手李明蔚，近日病情漸趨嚴重，腫瘤已擴散至肝、腎多處地方，出現器官衰竭的問題。面對生命倒數之際，只遺下一個心願望可在7月書展時出書，並明言：「唔知自己仲有幾多日子，希望出到本書。」用餘下時光出書勉勵同路人活得精彩！
「化療都冇用」
29歲的李明蔚於2010年以組合「小龍鳳」出道，不過入行僅兩年就不幸患上罕見的腺樣囊性癌，令歌唱事業叫停。她說：「因聲帶問題令到我唔可以再唱歌，失去人生樂趣。」又自言抗病7年以來花了大約50萬醫病。雖然病情經過一段時間穩定，當以為有望見到曙光之際，近日她的病情急轉直下，醫生指其腫瘤已擴散至肝、腎多處地方，出現多種病徵，當日她受訪時更口齒不清地說：「依家面癱，有時仲會不自覺流口水，同埋講嘢唔清晰，而眼神經亦有影響令到眨唔到眼，每晚瞓覺都要用膠紙黐埋先可以瞓到，係好辛苦亦要慢慢習慣。同埋醫生話我個腫瘤大咗4cm，就算化療都冇用。」談及病情時一臉堅強，惟提到出書一事，她不禁灑淚當場並指現時只有一個心願，望可在7月書展時出書紀錄抗病歷程，更直言：「唔知自己仲有幾多日子，希望出到本書，講我患病後嘅點滴，用文字鼓勵同我一樣嘅病人要有正能量。」
即使面對生命倒數，曾在「鬼門關」走過數次的明蔚，坦言最艱辛的時刻亦已過去：「做完治療後試過忽然流鼻血，流到開水喉咁，嚴重到要入院止血，因為流到血塊阻塞，要喺個喉嚨開窿做手術，嗰刻有諗過係咪會死，住咗個幾月醫院，最終都捱到，每次都以為自己唔得，但原來發現自己嘅意志力真係好強。」
受兩次情傷
除了身體的痛楚，患病後她更經歷兩次情傷，均因其的病後離她而去：「第一個男友同我拍咗8個月直到我患病後就同我講分手，咁我都冇問佢點解，因為驚自己知道原因會唔開心。第二個男友係患病中同佢一齊，嗰時以為搵到個願意照顧我嘅人，但最終一齊咗3年都係分手。」雖然遇到身邊人離棄，惟明蔚深明勉強沒有幸福的道理，忍痛放手祝福對方找到幸福，並認為現時有家人的陪伴更為重要。
不過人間有愛，明蔚直言獲得家人的愛護外，更有馬浚偉和曾志偉的幫忙，包括出碟圓夢等，亦很感謝模特兒好友姜紫藍為她義影書中的插圖，紫藍大讚明蔚是內心強大的人：「佢好單純簡單，成日叫我睇開啲過得一日就一日，佢亦唔會因為自己嘅病而畀負面情緒人，亦從不怨天尤人。」有如此多人的愛護，才令她堅強抗病！
場地：茶木Teawood
|
鍾意就快D Share啦！
|
|
|