TVB兩位高層，杜之克同余詠珊密密斟，唔使問阿貴，梗係有大計要實行
TVB最近播很多內地劇集，例如《如懿傳》、《皓鑭傳》、《獨孤天下》同即將會播嘅《倚天屠龍記》等等。不過，近日有消息指內地「限古令」升級，古裝劇嘅播出與製作大受影響，相信TVB都會減輕購入內地古裝劇嘅力度，同時亦會把握機會，乘機將TVB自家劇集推向內地。所以，主理TVB中港合拍劇集嘅杜之克，梗係要諗諗計拍多啲合拍劇打開內地市場啦，話晒而家內地無得睇古裝劇，觀眾絕對有多餘時間可以留意下港劇，係TVB喺內地搶一席位嘅好時機。據聞，TVB更已經喺內地搵緊場地設置廠房同拍攝場地，並計畫為日後招募內地藝員，以及拍攝電影作部署。
咁又關主理非戲劇製作，亦即負責綜藝節目嘅余詠珊咩事呢？據知TVB唔單只想內地觀眾睇TVB劇集，仲想同內地合作製作埋綜藝節目，特別係選美節目呢方面，一來TVB有多年港姐競選經驗，二來內地選美節目方面仍未突圍，係一塊大餅，所以相信杜之克同余詠珊日後，為咗內地呢個市場，大把傾工事嘅機會。
咪住先，內地選美節目嘅話，首先諗起亞姐質素，唔會步亞視後塵啩？
來源 source: http://nextplus.nextmedia.com
|
鍾意就快D Share啦！
|
|
|