(更新內容)
無綫劇《福爾摩師奶》昨晚播映大結局，大家都估終極「開膛手」是誰？原來開膛手並非只得一個人，關一夫（黃智賢飾）、白羅拔（杜大偉飾）、喬百川（林韋辰）、魏素嘉（陳瀅飾）及蓮婆婆（楊依依飾）都先後殺人，並模仿第一宗開膛手的犯案手法，將受害人內臟全部取出，極度殘忍。
第一宗兇案，殺害丁曉堯（江嘉敏飾）媽媽丁月（王綺琴飾）的真兇一直逍遙法外，原來終極Boss是高明醫生（陳嘉輝飾）！他留下一封遺書，指自己研發的鼠疫血清有眉目，原打算找一名肺癆病人試藥，怎料誤打誤撞，落有鼠疫的大包讓丁月吃掉。高明醫生在街上發現頭暈倒地的丁月，兩人落藥一事發爭執，最終高明醫生錯手殺死丁月，為免被人發現，竟將肚劏開並取出胃和腸，讓人不發現她曾吃過甚麼。他自揭是第一個開膛手，並畏罪吊頸亡。
大結局，素嘉引陰司財（鄭敬基飾）跟她困於密室並反鎖，她決意要跟陰司財同歸於盡，訛稱已將鎖匙吞落肚。陰司財為逃走殺死素嘉，並劏開她找鎖匙，迫他成為最後一個開膛手，可惜陰司財未有發現，結局也不得好死。而劇集結局亦留下伏線，爵士夫人（陳松伶）與一夫準備搭船離開時，有人在碼頭跌落水而向一夫求救，一夫竟說不懂游泳，爵士夫人聽到感詫異，回想起一夫說過自己曾跳落水救遇溺的小木蘭，明顯他講大話，令人有無限聯想。
而前晚一集一口氣爆出三個「開膛手」，包括被一夫開膛的妓女小木蘭（劉嘉琪飾），殺死喬百川的素嘉及將狄德英（徐榮飾）割喉的蓮婆婆。至於陳瀅的陰沉演技亦被讚賞，有網民指她有機會攞今年的女飛躍進步獎。陳瀅昨日接受傳媒訪問表示很開心，她說﹕「拍劇嗰陣都用咗一段時間投入呢個角色，聽人讚好開心，有時大家會覺你未必識做戲，現在被讚係開心嘅。其實噚晚嗰兩段戲（被揭是開膛手及監獄一場戲），都係差不多完劇時拍，自己都好投入呢個角色，一開始接已知道呢個角色有好多唔同層面，秘密會慢慢揭穿，由1集至25集，好似洋蔥咁設計呢個角色。其實素嘉唔係壞，一直有感覺佢係開膛手，但每一件事都係逼出嚟，先做到最壞，冇得唔殺人。」
問到終極開膛是誰？陳瀅大賣關子說﹕「與我有關，哈哈。今晚(昨晚)大結局，有一場我係特別鍾意，比起之前陰森恐怖更加期待，總之素嘉呢個角色，終於所有嘢都解脫喇！」
前晚《福》劇一班演員相約食飯，大家都表示不捨得，對於會否開拍續集，則留待公司決定。而陳煒被問到亞視再有裁員潮，她表示下月出席《A記同學會》時，會問候一班舊同事。
《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
《動腦Q》周末主題夜
追加星期六、日 9:30 pm
星期一至五 10:30 pm
Day Day Q the money!
https://hk.adai.ly/veCxssynnV
| 終極開膛手原來是陳嘉輝。（無綫電視截圖） | | |
| | | |
| | | |
| | | |
| | | |
| | | |
|
鍾意就快D Share啦！
|
|
|
