賭王四房千金何超盈早前宣布有喜，未婚夫Thomas（辛奇隆）是哈佛學霸，文武雙全。超盈懷有三個多月身孕，Thomas十分體貼，最近專程由美國飛嚟香港陪伴左右。今日下午約4時二人現身銅鑼灣某商場嘅時裝店購物，超盈身邊更有兩個工人護駕，見她喺店舖內不停睇手袋及背囊，仲不時問未婚夫意見，兩人有講有笑，全程甜到漏，而Thomas對懷孕超盈照顧周到，不時拖實未婚妻，呵護備至，二人逗留咗約半小時，最後超盈覓得心頭好，由Thomas負責埋單。離開舖頭時兩人十指緊扣，Thomas全程笑得開懷，心情極靚。
二人行到攰攰哋，隨即進入附近廳餐醫肚，用膳期間Thomas獨自返回時裝店取回買了的東西，之後再到餐廳會合超盈。食飽飽休息半個小時後，二人再次出動購物，繼續十指緊扣步入珠寶店睇首飾，見超盈不停試鑽石戒指，一直戴着太陽眼鏡的她，更除底太陽眼鏡，好認真睇鑽石戒指，Thomas不停畀意見，期間兩人又不時深情對望。
試足45分鐘後，終於買到合適嘅戒指，滿載而歸離開，相信兩人為籌備明年在葡萄牙舉行古堡式婚禮做準備。
來源 source: http://hk.on.cc
|
鍾意就快D Share啦！
|
|
|