患上「漸凍人症」的前藝人吳博君與太太出席藝進同學會晚宴，他坐住電動輪椅，說話細聲，但思路清晰，問到他現時身體情況？他坦言：「麻麻哋，肌肉情況愈嚟愈差，肌肉流失，手腳都冇力，行動唔係幾方便，依家keep住睇醫生同覆診，中醫都冇停過。（邊方面差咗？）力係少咗，行路時唔夠力。」他亦謂同期同學有湯鎮業及廖啟智，問到其他會員可有幫他？他表示：「初初病發時有幫，雖然唔係好多，但算係咁，今晚都叫我出嚟，本來都唔想出嚟。」
他亦謂現時睇中醫很大壓力，一星期要睇一次，每次要成千元，睇醫生及醫藥費每月要接近一萬元，問到錢銀方面可解決到？他表示：「暫時有人幫，但唔知可以幫到幾時，嗰個朋友唔係圈中人，我都擔心經濟問題，因為太太要照顧我，唔可以做嘢，唔知可以捱幾耐，我自己有少少積蓄嘅。」他又謂成廿年沒有做幕前，現時都做不到，生活見步行步，又指會長甄懋強表示如果有需要可以打給他幫忙，但暫時不想打攪對方。
來源 source: http://hk.on.cc
|
鍾意就快D Share啦！
|
|
|