前HotCha成員張紋嘉（Crystal）今年主演劇集《心冤》，33歲的她演出得到好評。日前Crystal 接受《蘋果》專訪，她自言當年覺得比不上隊友，身處其中一直沒有自信，「我覺得好冇存在感。以前人哋讚我，我都會否定自己。」
撰文：盧妹
攝影：仇志德
相關新聞：【七年拆夥】向電視進發
張紋嘉近年活躍樂壇及電視圈，又拍微電影，事業發展未受HotCha拆夥影響。日前Crystal在太古城接受《蘋果》專訪，回想當年HotCha拆夥後的失意日子，她說：「以前我好鍾意叫好多朋友上嚟屋企，後生吖嘛，有個竇就會叫人嚟玩。自從有次搬入西貢，住咁遠真係冇乜朋友會嚟探你，嗰陣事業又唔係咁順利又冇拍拖，好孤獨。我就去西貢市中心搵間cafe坐，嗰陣Regen（張惠雅）啱啱離開咗HotCha，工作少咗，感覺好唔同，但我反而用嗰段時間重整新生活。」
自命毒女
Crystal從此習慣了寧靜的生活，獨居對她來說是磨練：「以前我覺得自己係好格格不入，Regen跳舞叻啲、Winkie（黎美言）同人溝通又好啲，我覺得好冇存在感。以前人哋讚我，我都會否定自己，𠵱家有人讚我，我會講多謝。」改變，是因為獨居令Crystal有自信心：「之前去美國讀咗三個月書，老師同同學會日日都搵啲嘢讚你，可能讚吓你件衫、你個妝、你對鞋，就算上堂，老師都會讚咗先再提議點去做好啲。有啲人會覺得咁係偽善，但如果可以令人更有自信，幾好吖。」Crystal笑言已是毒女一名：「我係『極毒』嗰隻，網上咪有個表可以睇吓自己有幾『毒』嘅，一個人睇戲、一個人去旅行嗰啲，我全部做晒。」
相關新聞：【蘋聞重溫】FFx最Cheap MV出位
| 出道不久，（左起）Regen、Crystal和Winkie着比堅尼展現二十來歲的青春活力。 | HotCha 14年拆夥，去年（左起）Regen、Crystal和Winkie重組演出，成熟不少。 | |
自私獨居
現在Crystal仍是獨居，但她坦承現戀愛中：「感情生活OK，大家步伐幾好，我哋都係獨居。𠵱家知道同居唔係咁簡單，唔係執嘢一齊住，好多生活習慣唔同，而且唔算拍咗好耐。」不少朋友都認為Crystal跟男友浪費，勸他們同居，但她不以為然：「我都係想我有我、你有你多啲，嗰個係畀自己一個保障、一個心靈空間，因為你唔知道之後會發生乜嘢事。」Crystal慶幸得到男友體諒：「我有同男朋友講過，如果我一世都想一個人，呢個諗法係咪好自私，佢話冇所謂，每個人都有自己生活方式。其實我覺得好自私，但呢個階段我完全冇諗結婚，生仔更加唔會，或者等我搵到個好愛好愛好愛嘅人先。」
談到新歌《獨立單位》，Crystal說：「呢首歌係一個獨居嘅故事，90%都係我嘅故事。歌詞入面講到一個人喺茶几食飯、啲衫可以周圍放，其實嗰個真係我。」9年前獨居，她形容當年是一時衝動：「嗰陣因為工作時間長，唔方便同屋企人住，有試過同居，最後係分手收場。嗰刻好唔開心，於是就『我要改變生活！我要自強！』完全冇諗過水電煤、日常開支嗰啲問題，其實係好大鑊。」
場地提供：Return Coffee
|
鍾意就快D Share啦！
|
|
|