（19:39新增回應）
十多年前患上肝癌康復的羅家英，最近再度入院，日前愚人節當日，他在微博留言悼念哥哥，指自己躺在醫院病床上，想起與哥哥第一次合作《金枝玉葉》，之後拍《色情男女》及《金玉滿堂》等，幸留光影讓他們懷念。
楊玉梅昨日到聖德肋撒醫院探望契爺羅家英，在IG貼出合照，留言：「阿爸你要保重身體，我們很擔心你，要乖乖休息多點，見到你仍然那麼帥氣，我也放心了，祝阿爸火速痊癒，身體健康，愛你。」相中見羅家英精神不俗，拍照後即戴上口罩，希望他快些出院。
《蘋果》今日致電阿姐，問到家英哥發燒入院一事時，阿姐說：「冇乜嘢啦，都差不多出院啦。」問到發燒原因，阿姐說：「你問佢啦，唔好由我講啦，我都唔知佢鍾唔鍾意講。」記者致電家英哥，他有點氣若游絲，問到現時情況，家英哥說：「冇乜事啦，有心，而家退咗燒啦，我聽日都出院㗎啦。」
楊玉梅曾探望家英哥，她今日接受傳媒訪問時說：「家英喺橫店拍嘢，住咗一個星期醫院，發高燒，出咗院之後佢撐住，因為套戲未拍完，撐到拍完之後就即刻搭飛機返嚟，一落機即刻入醫院。佢發燒燒到40度（即華氏104度）。」
家英哥之後接受傳媒訪問時，自揭並非一般發燒，他指早前要做前列腺細胞檢查，為此要進行一個穿刺手術，以便拿取細胞化驗，豈料家英哥到橫店拍攝網絡電影《心願清單》期間細菌感染，加上他連日趕工沒時間好好休息，所以便發高燒至41度，在大陸留院一星期，家英哥表示自己首次擔正做男主角，所以出院後即為電影埋尾，拍完後即第一時間返港入院治療，並發現膀胱和腎均發炎。
《蘋果》記者再致電家英哥時，他已睡覺休息，而楊玉梅就表示：「係呀，家英哥自己唔講我都唔敢講，始終係佢私人事，佢因為做前列腺細胞檢查，要做一個穿刺手術，點知就細菌感染，又發高燒，家英哥唔想影響成個劇組，所以喺大陸出咗院都照開工，拍完晒一搭飛機返香港，就入咗醫院同做檢查同醫治。」
羅家英同汪明荃於1988年合作粵劇結緣，與阿姐一吻定情，拍拖22年，汪阿姐2002年發現罹患乳腺癌與甲狀腺癌，羅家英對阿姐不離不棄，要照顧阿姐一世，待阿姐康復後，羅家英卻在2004年患肝癌第3期，到汪阿姐陪伴羅家英勇敢抗癌，阿姐首度開口等羅家英康復就結婚，二人在60歲後才結束愛情長跑，於2009年喺美國拉斯維加斯註冊結婚，經歷過生死，二人好珍惜對方，回想當初抗癌的日子，羅家英曾在節目中說：「你剩半條命，我也剩半條命，我們就合成一條命，相依為命，同心到老。如果下輩子在一起，我很願意，你呢？」相信他今次入院，阿姐會很擔心。
-----------------------------
免費訂閱《蘋果動新聞》， 無懼霸權橫行！立即登記！
https://hk.adai.ly/bXz2v29BrV
-----------------------------
4月4日 10am-11pm 即玩《MINI GAME大挑戰》
隨時贏SuperPark門票2張
https://bit.ly/2WigzsG
| 羅家英留院逾3日，契女楊玉梅探病。（IG圖片） | | |
| |
|
鍾意就快D Share啦！
|
|
|
