掃呢頁CODE去手機

2019年4月16日 星期二

【安心偷食|6分鐘記者會認晒衰仔】許志安哭腔宣佈全面停工 避談Sammi有冇原諒 __,Sam,Sammi,安仔,許冠傑,許志安,鄭秀文,

【安心偷食|6分鐘記者會認晒衰仔】許志安哭腔宣佈全面停工避談Sammi有冇原諒45分鐘前對於「安心偷食」事件,許志安今晚(16日)7時正開記者會,佢一 ...


  • 【安心偷食|6分鐘記者會認晒衰仔】許志安哭腔宣佈全面停工 避談Sammi有冇原諒
  • 45分鐘前




對於「安心偷食」事件,許志安今晚(16日)7時正開記者會,佢一出場即鞠躬,然後坐下低頭,哽咽著說:「今日記者會目的,真係想親口衷心同大家講聲對唔住。我又要為我的家人、Sammi的家人、朋友,以及錫我的人,致萬二分抱歉,因自己做咗件不可補救、不被原諒的事,而呢個錯我深深咁去反省自己,我係一個醜惡的人。所以,我今日喺度想承擔責任,我當晚的確飲咗好多酒,但飲醉絕不是藉口去犯呢啲錯,我好難面對、接受自己。」

安仔愈說愈激動,兩行鼻涕喺閃光燈下反晒光:「睇到報導後,我都覺得自己好丟臉、好錯、好討厭、好嘔心、好陌生!我有深刻反思覺得,點解唔可以控制自己去犯呢個錯誤?點解起咗呢個色心?我覺得承擔呢個責任要分兩個部分,第一係由呢刻我會停止自己工作,直到搵返真正、正確的自己,去重新檢視自己做人。第二部分係喺我心靈上,我覺得自己不知所為,因為我的錯及行為,令我身邊所有愛我的人,承受一種咁大的壓力同痛苦。我希望喺未來日子裡,將所有被我整傷、整痛的人,都可以好好……

「呢個報導令我深刻反思,我其實最錯的地方係迷失自己。最後,我要再一次向所有愛我的人,講聲令你哋難堪,對唔住!對唔住Sammi!我唔知以後點去走自己的路,我呢刻係無咗靈魂,我係一個壞咗嘅人,希望大家可以俾時間我搵返自己。最後再一次同所有朋友講聲對唔住。」

許志安最後無回答任何問題,包括:「點解向Sammi解釋」、「點樣補償畀Sammi」等,然後離座再鞠躬,完。

進場後、離場前,均有鞠躬。

記者會後,安仔個人社交網站立即出post,詳細交代返記者會上的說話。


鍾意就快D Share啦!