- 【安心偷食｜進擊小三】黃心穎踩Sammi場搏friend降戒心 拎正牌與許志安拖手
- 16分鐘前
許志安同黃心穎車廂「偷食」單嘢，當大部分人都鬧爆女方又擒又啜係姣婆嘅時候，黃心穎醒水呀，立即關咗IG留言功能，但安仔就無咁做，搞到IG被瘋狂留言鬧爆：「臨老食賓妹，幫你唔落呀師兄，對你好失望！仲話信主？偷食係主嘅意思？你點對得住Sammi？你都係做返腳下那堆爛泥罷」
雖則喺「偷食」片中，明顯見到黃心穎飛擒大咬好主動，但細心啲留意，其實男方都有唔少小動作㗎！例如同車男友人一落車關門一刻，安仔隨即伸手拖向黃心穎；二人攬啜期間，安仔又不時自動波將手放喺女方大髀內側。所有動作都顯得相當自然、熟手。
諗起上個月，許志安同Sammi先甜甜蜜蜜咁一齊行超市買餸，老公推車仔，老婆就小鳥依人咁繑住手挨住膊頭，離開嗰陣仲十指緊扣揈住手添。點知，安仔嘅一對手，公開場合拖Sammi，暗啞底仲會拖黃心穎，真係估唔到。難為Sammi早前第一次被斟茶，仲有感而發打咗篇「夫妻之道」：「mi也提醒自己，婚姻得來不易，每對couples都務必珍惜和努力守護。mi一直認為婚姻本身並不提供愛，是彼此之間的愛滋養著婚姻，是彼此的努力，是彼此之間的不分彼此，才能使婚姻有血有肉有生命。婚姻是無形但相處是有形，婚姻中每個階段也是一場場終身學習。我估計沒有捷徑，只能一步一步經歷，才能真正體現『一步一生』的幸福。」
向前追溯返，許志安同黃心穎喺2018年，為《星光熠熠耀保良》拖住手合唱《會過去的》，唔通當時已經……唉，安仔仲打算嚟緊開演唱會，怕且都凍過水，夾硬開都只會係問責大會。
另外，黃心穎做gym，會踩上Sammi去開嘅場搏friend。點知Sammi當佢係friend，見心穎出做gym post都會like，但轉個頭佢擒埋人老公，真係進擊得很可怕！其實進擊都唔係第一日嘅事，黃心穎雖然同馬國明係公開嘅一對，但私下一直爛玩，成日群埋男士堆，「皮草太子爺」王大業、薜世恆等筍盤開生日P，心穎都會現身搵機會，成場都係筍盤公子哥兒，唔去就傻喇！
來源 source: http://nextplus.nextmedia.com
|
鍾意就快D Share啦！
|
|
|
