51歲許志安（安仔）被爆與黃心穎在車廂偷情，背住另一半搞「安心偷食」真人騷，《蘋果》報道一出，震驚全城！事件中的男、女主角，以及他們的另一半統統「潛水」沒有回應。
今日馬明的媽媽離開太古城寓所，見到樓下企滿記者，表現有點愕然，被問到黃心穎背住馬明偷食？她說：「我唔知喎，乜嘢新聞呀？」談到兩人的感情關係，她說：「係啩，（最近一次係幾時見？）好耐喇，係喺過年嗰段時間，之後冇再見佢。（佢哋係咪好穩定？）即係咁講，我唔係好理小朋友嘅事，佢哋啱、結婚嘅，可以同我講，但係佢哋又冇提過。」
問到馬明是否在家中？她說：「係呀，佢冇嘢喎，仲喺度睇緊波，晏啲仲話要開工。（會唔會擔心佢？）唔知喎，我又未證實到，（報道已經出咗街）許志安？即係Sammi個老公？我未睇喎，唔知真定假。」再問會否對心穎失望？她說：「我覺得呢嘢等番佢哋自己搞，因為我真係唔係好理呢啲嘢，我都冇問，佢哋拍拖咁耐都好少問，我真係覺得佢哋做娛樂圈呢一行，唔係..係好煩。（阿仔係咪好投入？)我真係唔係好理呢啲嘢，我見佢3、4次，都係話唔使開工，咪帶返嚟屋企食飯。」
後來又問對心穎的印象？她說：「吓，好普通啫，即係唔會話鍾意佢，又或者好唔鍾意佢，個人都冇乜嘢，（有冇話希望佢哋早啲拉埋？）真係冇，佢要結婚會話畀我聽，唔需要成日問。」其後記者將短片給馬媽媽看，看完後她說：「係咪拍戲嚟㗎？」其間馬明曾致電媽咪，隱約聽到馬媽媽表示樓下有很多記者等他，收線後馬媽媽說：「阿仔話叫我唔好答你哋咁多嘢喎！」
在報道未出街的前夕，馬明在微博貼了兩張《降魔的2.0》的開工相，他分別與黃智雯、胡鴻鈞和謝雪心的合照，他留言說：「努力工作！」其後有網民猜測，未知是否馬明已經知道女友的偷食的事，於是乎安慰自己要努力工作，放低兒女私情。同時亦有網民留言安慰。
-----------------------------
熱定身睇GOT大結局
權力遊戲76頁電子書
幫你極速消化全劇精華
https://bit.ly/2U9OBxz
-----------------------------
星期一至五晚上10點半
《動腦Q》Let's Q the money！
http://bit.ly/2QW8LcI
|
鍾意就快D Share啦！
|
|
|
