藝人袁偉豪（Ben）出席劇集《鐵探》首集的飯局，他表示不太緊張收視，但甚為期待劇集出街，知道新劇在內地平台開播首十分鐘已有逾三百萬點擊率，感到十分開心：「整個劇組都好享受呢個時刻，好似個BB終於出世咁。（你最多點擊率嘅劇集？）我唔知實數，但合作方好大力推，所以都好有信心。我一個人力量唔夠，但有其他演員，非常難得，因為呢套劇無論係資金、時間、演員同製作方面，公司都係投放咗好多，對我嚟講係前所未有。今次係非常好嘅嘗試，我做好自己本份，希望帶多啲好製作畀觀眾。」
為了劇集減掉二十磅體重，Ben坦言拍攝了三個月，就是為了其中兩日戲而減磅：「我拍完先見到自己好瘦個樣同狀態，但當時已經煞科，我有諗點解套劇唔可以維持多一個月，不過都已經過咗去，呢段時間我已經回復番精神同身體狀態。我當時有八日係要脫水狀態，有兩日拍攝時只係飲咖啡，拍之前仲去跑步排汗。我為工作可以不惜一切，但都要衡量身體健康。」
來源 source: http://hk.on.cc
|
鍾意就快D Share啦！
|
|
|
