藝人鍾欣潼（阿嬌）出席英皇電影《非分熟女》首映，她誇口指若有好題材，可嘗試演大膽戲份。問可會得到老友賴弘國批准？她說：「冇問呢啲嘢，都係做嘢。（佢承受到？）做嘢理佢吖！有機會接好角色唔容易，下下say no不如唔好接，呢個係我工作。（佢係你人生伴侶喎！）我都會講，唔會偷偷做。（點解今晚唔陪你睇戲？）佢唔喺香港。（有冇試過接咗工作，老公叫你推？）又未遇過，試吓！做嘢唔可以咁，一句say no不如唔好接。」
阿嬌坦言老公也曾叫她待在家當人妻，但她認為沒有工作會非常苦悶，而近日因迷上玩手機遊戲，為了過關買武器，每日花上近百美元。問至今總共花費了多少？阿嬌笑說：「我睇番啲短訊，一個道具都99蚊美金，都玩足半個月，起初我冇買㗎，但依家日日成千蚊，搞到今日都未掂個遊戲住，朋友話我買啲實物都叫做有件嘢，呢啲會喺空中飄走咗。（你可以同公司申請做電競手！）佢哋嗰啲好難，我嗰啲太低能，得㗎咩！？」
來源 source: http://hk.on.cc
|
鍾意就快D Share啦！
|
|
|
