大家快啲睇片喇！
東網巨星節目「余仁生特約」《家有B事》今集邀請到有「蜘蛛女」之稱的鄭麗莎（Lisa）做嘉賓，大家都知佢體育細胞強勁，估唔到連生育能力都一樣咁勁，2013年佢喺關島同Calvin結婚後，火速造人，先喺2014年生咗大仔汪晉頤，之後2016年生咗三胞胎，分別係二子汪晉孝、三女汪尤霏同細女汪尤嘉，極速「三年抱四」！
同時間照顧四位小朋友，真係比普通媽咪付出同累得多，但Lisa話唔介意，仲話快樂同滿足感都係乘四倍，雖然辛苦，但都值得嘅。講到育兒心得，佢話四位小朋友有時會出現爭玩具同打交情況，所以會設立獎罰機制來教佢哋，之後再同佢哋講道理，她說：「一見到呢啲情況，就會罰小朋友罰企，喺出面罰企要冷靜，罰企五分鐘，佢哋聽到罰企呢兩個字已經好驚。多數罰完之後佢哋會喊得好犀利，就會同佢哋解釋番，其實媽咪係唔想鬧你㗎，媽咪都好心痛㗎。」
另外，又為咗提高子女學習，又會令佢哋「先苦後甜」：「有時會同佢哋玩啲英文串字，佢哋興趣就唔係好大，會同佢哋講我哋玩完之後，同佢哋做一啲佢哋鍾意做嘅嘢，咁就會畀心機地集中記性。」想知道Lisa平時點用四位小朋友相處，平時係咪會教到頭痛？咁就快啲去東網巨星睇實《家有B事》
來源 source: http://hk.on.cc
|
鍾意就快D Share啦！
|
|
|
