關寶慧叫許志安唔好坐的士囉！
藝人關寶慧到新城接受薛家燕節目訪問，提到有關好友許志安（安仔）被爆和黃心穎的士偷情一事？關寶慧即表現愕然反問何事，當得知事件，她謂：「安仔又Friend嘅，第一套戲就同佢拍。（有乜寄語畀佢？）寄語咪唔好坐的士囉，要避忌啲。」關寶慧稱會站在藝人立場去看事件，覺得太不安全：「即係的士嘅攝錄機啦，我覺得的士按呢啲攝錄機係好唔應該，係侵犯乘客嘅私隱，所以，我上的士係唔會講嘢同講電話，因為好冇安全。」
關寶慧稱很喜歡家燕這位前輩，之前大家都未有合作過，記得剛入無綫拍劇時，家燕是拍《真情》，有日大家碰面，家燕就老遠就已經鞠躬式和她打招呼，而身為前輩的家燕有此表現令她至今都很難忘。而去年上無綫《流行經典50年》演唱才有合作機會。講到唱歌，關寶慧稱十幾年前都有去登台，但始終沒有首本名曲去登台感覺都怪怪的。至於她稱現忙於炮製電影劇本，更笑言有意「賣樓」來套現投資拍戲：「咁一世有幾可拍自己嘅電影，都籌備咗幾年，係一套講女性題材嘅電影嚟，咁若果有金主就最好，就唔使賣樓啦。」
來源 source: http://hk.on.cc
|
鍾意就快D Share啦！
|
|
|
