掃呢頁CODE去手機

2019年4月16日 星期二

【李嘉欣係同學張慧儀係舊愛】「山狗」林偉同黃德斌比賽互片鬥激凸 __,張慧儀,李嘉欣,鍾嘉欣,黃德斌,

56歲嘅林偉最近喺大台劇《鐵探》嘅山狗一角,展現爆肌。當年佢同黃德斌喺model比賽中鬥激凸,講緊肌肉啫!入行後連優質股都出埋鏡,真係前前後後,全副b ...




56歲嘅林偉最近喺大台劇《鐵探》嘅山狗一角,展現爆肌。當年佢同黃德斌喺model比賽中鬥激凸,講緊肌肉啫!入行後連優質股都出埋鏡,真係前前後後,全副body都係佢嘅搵食工具。

當年佢由做保險跳入model界,讀緊model訓練班時,李嘉欣係佢同班同學。

林偉:「當時我哋一齊上堂,第一次見佢,已經覺得好似一個公仔,靚到好似公仔咁樣,仲記得佢好鍾意食漢堡包,成日講漢堡包。」

初出道時,佢同都係新人嘅葉蘊儀拍時裝品牌G2000嘅經典廣告。87年佢參加亞視搞嘅模特兒大賽,對手仲有當年都係賣肌肉嘅黃德斌,當晚兩個激凸互片,各有睇頭。

做咗演員之後,點解走上三級片之路?仲露埋個優質股,林偉話完全唔係生計而博一舖。

「其實監製叫朱家宏,佢拍好多好出名嘅廣告。有一日佢打電話到台灣搵我,話想搵我拍一套三級片《太太的情人》,我好愕然。佢話會拍到好似廣告咁靚,我就應承咗接拍。呢套戲票房收得唔錯,題材亦係突破,講太太有第三者,而係第三者唔係男人,而係女人。我相信佢會拍得好靚,所以唔會諗太多,決定咗做就會去做,總之唔係露前面就得我露股冇所講,我都睇過好多演員有露屁股。」他說。另一套仲同李麗珍有咀咀戲,好有艷福。

佢喺幕前演過唔少負心漢角色,而現實中同佢有過一段情嘅圈中人,就係張慧儀。分手後二人再沒見面,但如果有一日,雙方重遇,林偉說:「講句hello,我哋嘅事係上個世紀,而且好短暫,又唔係咩嘢驚天動地。」

對於舊愛當了有愛心嘅養母,佢就話:「無驚訝,係天生,人到每一個階段都會有啲改變,以前唔鍾意小朋友,或者之後經歷咗一啲事,令佢改變。」

依家佢有個拍拖多年嘅圈外女友,56歲嘅林偉,仍然追求拍拖感覺,所以佢話唔會結婚。」

採訪:Sukey Lo

攝錄:黃志明


鍾意就快D Share啦!