【新增動新聞】
佔領運動發起人戴耀廷、陳健民、朱耀明，以及另外6名參與者被控煽惑他人煽惑公眾妨擾等罪，法官昨日裁定9人罪成，案件今早繼續聽取數名被告陳情，法庭於上午一度休庭，下午宣傳本月24日判刑，9人獲准繼續保釋，其中陳淑莊步出法庭見記者時，嚴厲批評有疑似便衣警察在休庭1小時期間，無理跟蹤她及其朋友。《蘋果》為此向警方查詢，暫未有回覆。
陳淑莊：而家警察好得閒呀？
「我哋雖然被定罪，但我哋唔係走犯……佢係侮辱緊我，亦都騷擾緊我嘅朋友……我哋好似賊咁樣，你係咪要跟到我返屋企？你係咪要跟到我返立法會？你係咪要跟晒我全家？香港係咪而家變到咁樣？」她直言不能接受，嚴正警告警方，「邊個落order？落埋啲咁嘅指令！而家警察好得閒呀？如果警察跟人跟到咁豆泥嘅話，我覺得好失禮！」
陳淑莊的代表律師陳惠源表示，當時她在休庭後，步出法庭並返回其座駕辦公，其間1名黑衣男子一直從法庭跟隨她至座駕，並無配戴任何證件。她在車上逗留大半小時，對方一直在附近監視，並跟隨她返回法庭。當她抵達庭外時，3名戴上委任證的男警員欲上前與該黑衣男打招呼，「但個男人好似扮唔識佢哋咁」。其後陳淑莊在庭外與記者傾談時，再看到該黑衣男與3名便衣警傾談，並一直站在一起，故陳惠源相信，該黑衣男亦是警員。陳惠源又透露，在陳淑莊出庭期間，亦有人走近陳的座駕「喺度唔知睇啲咩，亦都唔知係啲咩人。」
陳惠源批評警方此舉不合理，「究竟呢個動作係咪警務處長指示？有咩目的？點解要咁做？根據啲咩法律可以咁做？之後仲會做啲咩？」陳惠源亦指，若此行動並非上級指示，「佢點解要咁做？警務處嘅立場係點？會唔會調查？」陳稱若此人並非警員，警方更應跟進，並公開澄清，「呢啲鼠輩行為，對警方係好侮辱……台灣件案，你又跟到咁足；香港呢啲案，你又跟唔跟？」
同屬佔中9子的立法會議員邵家臻指，未有留意是否有人跟蹤他，但他認為此舉不可接受，「我哋係公眾人物，你要搵一定搵到我，點解要咁？根本多此一舉，別有用心。」
-----------------------------
追蹤真相 守護公義
免費訂閱支持蘋果 4月10日無阻盡覽
https://hk.adai.ly/PMtkKQIUBV
-----------------------------
動腦Q金像獎周
4月8日-12日 10:30PM
Let’s Q the money！Action！
https://hk.adai.ly/zpCd06PPwV
| 陳淑莊嚴厲批評有疑似便衣警察在休庭期間，無理跟蹤她及其朋友。董立華、何家達攝 | | |
|
鍾意就快D Share啦！
|
|
|
