香港電影界盛事第38屆香港電影金像獎將於明晚舉行，今屆影后競爭不如影帝激烈，其中以《非同凡響》入圍的余香凝，及以《三夫》入圍的曾美慧孜，一個年僅25歲，一個是30歲首度拍港產電影。不過新生代的力量也不能小看，余香凝同時獲得三項提名，背後的故事也如電影熱血。
採訪：張俊銘
攝影：陳俊強
相關新聞：【金像人物】曾美慧孜名字源於日片《追捕》
在娛樂圈打滾三年的余香凝，初出道就以首部作品《骨妹》入圍金像獎最佳新演員，相隔兩年，余香凝今屆同時獲得最佳女主角、最佳女配角及最佳原創電影歌曲，共三項提名。她日前接受《蘋果》專訪時，笑說得知同時獲三項提名的一刻，不是致電親友報喜，而是獨自跑到九龍公園自閉嚎哭一場：「相信之後都冇機會同一屆得到三項提名，今次已經好開心，25歲人生來說，係最型嘅一件事，贏獎我完全唔敢諗，對手太犀利。」
| | |
入九龍公園嚎哭
余香凝憑電影《非同凡響》獲提名最佳女主角，而由她主唱的電影主題曲《陽光普照》，則獲提名最佳原創電影歌曲，至於《逆流大叔》則獲提名最佳女配角。公佈名單當日，她緊張到不敢看直播及電話：「嗰日喺尖沙嘴買道具，兩點鐘開始公佈，見20分鐘都冇人打畀我，就同自己講冇㗎嘞！之後同事話我知中晒，我喺條街喊咗出嚟，但周圍太多人，就行入九龍公園坐低喊。」
最令余香凝激動是《非同凡響》提名女主角：「入行三年要提名女配角都好難，女主角更難，同埋套戲經歷太多，上映一周就俾人cut剩幾場，我哋齊齊去謝票好似打仗咁，每場都係打番嚟，到口碑好，大家叫我OK姐姐，再到金像獎獲提名，成件事好熱血。」要飾演中學生是挑戰，余香凝說最考演技是眼神：「拍攝時我當正自己小朋友，專程返母校讀幾日書，過正常學生生活，重拾稚氣眼神。」
相關新聞：世代交接 32新演員做司儀
「每場都係打番嚟」
提到攞影后信心，余香凝坦言有得參與已當有賺，更大讚對手曾美慧孜︰「全裸唔難，但全裸後若演得唔好就嘥咗，佢全裸、增肥，演輕度智障角色，真係做得好，睇完極度讚嘆，佢係用生命嚟演戲。」至於拍《逆流大叔》，余香凝開心角色有發揮：「喺幾個大男人中周旋，我年齡最細卻最成熟，觀眾睇完以為我好似戲中教練咁惡，都幾得意。」
成功得來不易，余香凝全靠媽媽背後支持︰「我百分之99嘅事會話畀媽咪知！我獲提名佢特別開心，覺得我決定做演員，經歷冇工作嘅日子，到個女被人肯定，佢好感動。」
服裝︰SPORTMAX
場地提供：皇室堡Red Mr
|
鍾意就快D Share啦！
|
|
|