憑《美女廚房》嘅「阿飯」彈出嘅孫慧雪，係唔少宅男嘅女神。16年同圈外男友Edwin結婚，17年生咗囝囝Riley，由女神變師奶，今日就等我哋一齊睇吓人妻阿雪嘅日常生活係點過每一日，阿雪起身餵完Riley後，就會帶佢返playgroup，今日，佢叫咗工人姐姐帶囝囝去，自己就去咗做運動！
「其實一直都有長跑，到生完小朋友之後，好多人都話我好肥，所以就搵咗個私人教練幫我訓練，趁朝早姐姐帶小朋友去playgroup嘅時候，就出嚟做運動。其實平時多數做踩單車，如果朝早唔得閒嚟嘅話，夜晚就會去跑步。喺呢度有一位好魔鬼嘅私人教練，佢會鞭策我，要我坐無影櫈，然後做一個邊跪邊行嘅動作，要不斷來回行。同時會做sit up，做好多唔同種類嘅運動，仲有舉啞鈴。」
身為人母之後，會覺得媽媽真係好厲害？「會呀。因為自小就無媽媽，所以由嫲嫲照顧，我覺得嫲嫲都好勁，因為嫲嫲年紀已經好大，我發覺就算而家三十幾歲，早知廿幾歲就要生小朋友，因為無咁多精力去同BB玩。嫲嫲照顧我嘅時候已經六十幾歲，佢仲要照顧我所有嘢，例如起居飲食，所有嘢都係佢負責，例如接送上學，甚至連勞作都要佢幫我做，自己諗番真係覺得佢好辛苦。同埋而家照顧小朋友，都唔係成日可以返屋企陪到佢，通常夜晚會抽時間同BB一齊去探嫲嫲。但覺得呢個恩無論如何都償還唔到，可以付出畀佢對我更大嘅愛。」做完運動，阿雪趕住去接BB放學返屋企，待BB午睡，她就把握一小時的時間去買餸，當媽媽後每日都好緊湊。
減老公福利
在街市，今日食乜餸的心思，一切以他為先，就是寶貝仔。「菜芯苗係用嚟煲腍剪碎俾BB食嘅，西洋菜就係買嚟煲湯嘅，然後再買啲蕃茄。」
囝囝出世後，老公的口福被大幅度削減。「BB未出世之前，我下廚更多，而家反而專注喺BB餐上，同老公反而好求其，隨便煲個湯就算。」
老公地位變次等，有冇詐型？「都有講過話好耐無食過我煮嘅餸。都有煮吓早餐俾佢嘅，但平時只會煮一個餸，以前會煮三餸一湯，但而家主力都係煮俾BB食。」
當日她為囝囝炮製豐富的BB餐。「每日都會堅持整一啲唔同嘅餸俾佢，等佢嘅食物種類多啲。通常一個餐會有一種蔬菜，一種肉類，再配搭其他色彩繽紛嘅食材，等佢見到開心啲。番茄會用嚟整啲蕃茄茸，同埋可以用嚟煲湯，一物兩用。」好多人話，女人結咗婚生埋BB，就好易冇咗自己嘅人生，阿雪又點睇呢？「睇吓你鍾唔鍾意呢種生活，但真係好忙，我覺得自己無咗休息時間，因為要一邊工作，一邊要照顧小朋友，同埋屋企無老人家幫手，因為佢哋年紀都好大，覺得要佢哋照顧小朋友會好辛苦，所以都係自己照顧。變咗以前收工返屋企可以攤喺床上，而家就要再兼顧埋小朋友。」
最想老公變肥佬
女神降呢做師奶，呢個反差咁大，阿雪一開始就接受嗎？「因為我從來都唔覺得自己係女神，所以都接受到嘅，一向都係咁樣，小時候已經成日同嫲嫲去街市，所以都覺得無問題。變咗師奶都唔緊要，最緊要keep住靚就得。」老公會唔會好擔心你變咗師奶？「我諗佢應該鍾意㗎，佢個人好怪。」當上師奶，原來她也渴望老公都變住家男身形。「如果佢變成一個肥佬，我就有多啲安全感。」
養兒開支大
阿雪坦言，在孩子身上的開支很大。「好多呀，因為佢而家嘅年紀可以讀playgroup，而家啲playgroup都差唔多要四、五千蚊一個月，然後買俾佢食嘅嘢，除咗菜，連肉類都想係有機嘅，但價錢好貴，開支都好大，所以都要俾心機工作。每次有人問幾時生第二個，我哋都會話搞掂呢個，儲多啲錢先啦，真係搞唔掂。例如佢唔舒服，每次睇醫生都好貴。」說罷發現自己買漏餸，阿雪又匆匆拆返街市樓上補貨。「好似漏咗豬骨喎，我哋上番去買，唔好意思，我成日都係咁樣，然後我就要行幾轉，當減肥」
此刻的阿雪，歸心似箭，摩打腳的腳步，記者也追到索氣。「因為BB應該差唔多起身，如果佢見唔到我會唔開心，所以要快啲返去。我每日就係咁樣行呢條斜路至少兩三次，一定會瘦，不過會行到大髀粗晒。」
回家後，時間啱啱好，囝囝睡飽飽起身，証明阿雪平日湊仔很少假手於「傭人」。
「而家我帶佢去公園放電，佢最鍾意玩bubble，因為有呢個bubble，就會有好多朋友，我帶晒佢所有波波出嚟，佢最鍾意。」一個女神，被囝囝完全征服。
預咗自己係呷醋奶奶
肉緊媽咪原來現在已幻想囝囝長大後，有拍拖生活，擔心自己會呷醋。「我有諗呀，老公叫我記得唔好呷醋。當佢大個拍拖，或者唔睬我嘅時候就會唔開心，因為佢而家好需要你，突然有一日佢唔要你，我諗會好空虛。」
放手這個課題，是每個媽媽將來要學習。「我都覺得好難，覺得好似俾人搶咗去咁樣。我哋已經想像晒佢大個會駁嘴，叫大家唔好傷心，互相安慰，同埋有定心理準備。」
策劃：肥A
攝錄：黃志明、吳斯金
來源 source: http://nextplus.nextmedia.com
|
鍾意就快D Share啦！
|
|
|