網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年4月22日 星期一

【安心餘波】被黃心穎拖累劇集前景不明 嬲爆黃浩然靠老婆囝囝氹返 __,黃心穎,黃浩然,

「安心偷食」餘波未了,同黃心穎有關嘅一切,包括代言、廣告、歌曲、劇集等等,紛紛下架,喺大台劇《法證先鋒IV》同黃心穎有感情線嘅黃浩然亦慘被牽連,唔係要 ...




「安心偷食」餘波未了,同黃心穎有關嘅一切,包括代言、廣告、歌曲、劇集等等,紛紛下架,喺大台劇《法證先鋒IV》同黃心穎有感情線嘅黃浩然亦慘被牽連,唔係要重新開工拍過晒,就係成套劇播出無期,一番心血付之流水,難怪有傳佢嬲到爆粗啦,早前見佢一支公現身,衣著打扮仲襯埋佢面色,由頭黑到落腳,離遠睇都feel到佢心情差到極點呀!

隔幾日再見到黃浩然,表情終於有返啲歡容喇,最大功臣一定係老婆同囝囝啦,一家三口出動陪住爸爸四圍逛,有咩開心得過一家人喺埋一齊?斷估佢哋仲趁幾日假期去咗relax渡假添呀,事關黃浩然今日罕有地post出一張從後攬實老婆嘅泳照,半裸嘅黃浩然眼神、笑容迷死人,老婆亦喺個人IG曬出好身材泳照,耀眼到連陳煒都忍唔住留言:「放閃!」

咁咪好囉,雖然嘥咗一番心血、俾黃心穎累慘,但唔值得為外人而唔開心,最緊要一家人喺埋一齊開開心心吖嘛!

攝錄:蕭敬漁、志輝、東尼


鍾意就快D Share啦!