- 【由灰心轉行到重返娛圈】50歲開個唱談心路歷程 漢洋:唔紅一樣生存到
- 24分鐘前
馬上成為壹會員
會員專區 只限會員閱讀
見到漢洋，自然想起他唯一經典作，跟小雪的合唱歌《其實我介意》。
89年參加新秀入行，與梁漢文屬同屆的漢洋，趁入行三十年，在旺角麥花臣開演唱會，人家當圓歌星夢，他說視為一個跟朋友分享在這行浮浮沉沉，但仍想追夢的心路歷程，更為貼切。
- 個唱中會唱師父羅文的歌，向他致敬。
- 他的歌涯，最令人印象深刻，就是跟小雪合唱的《其實我介意》。今晚開鑼的個唱，定居韓國的小雪也專程回來做他嘉賓。
開個唱分享心路歷程
「我冇諗過開演唱會，就算幾年前有人推動，我都推咗。址白講自己唔係紅歌手，又唔係有好多經典歌。但點解今年又決定做呢件事，因為我已經50歲，入行30年，正如朋友同我講，應該幫自己留一個紀念。不過真係推動我去做嘅，係睇完李國祥演唱會。佢同我一樣，都係唔郁(唔識跳舞)，只係唱歌，但佢演唱會好感動我，因為佢分享咗好多心路歷程，啟發我開演唱會，唔一定只為載歌載舞，亦可以係一種分享。」漢洋說。- 當年出席樂壇頒獎禮，跟當時己是天王的劉德華、郭富城，上位中的陳奕迅，當紅的陳冠希等人平排合照，難得私的紀念！
做金融放棄升職返樂壇
三十年，他悟出這樣道理:唔一定紅先可以喺呢行生存！出道時，他希望一唱而紅。亦曾在訪問中說過，給自己三年時間踏上紅館，不成功便成仁。結果三年不似如期，莫說踏上紅館，連一張個人唱片也沒有，他轉身而退。「當時睇唔到前路，唯有轉行。我做過好多行業，金融﹑地產﹑保險。但個心唔喺嗰度。做金融時，做出成績，有日公司俾升職信我，但同時我遞上辭職信，因為剛巧嗰段時間有台灣唱片公司搵我，係一個機會。」人到台灣，終於實現了出唱片的夢想。
- 參加完新秀加入華星唱片公司，但入行數年仍未推出屬於自己的大碟
在娛圈賺到最多是......
之後返香港，歌途依然跌跌碰碰，在浮沉之中他找到生存空間與樂趣。「之後我喺唱片公司，轉做宣傳人員，甚至之後做經理人，見到同輩或後輩一個一個繼續上，我冇醱溜溜，覺得仍然為呢行付出，已經好滿足。」由31/5開始，連開三場的演唱會，叫「友共情三十載」，撐他的嘉賓除了合唱拍檔小雪，還有一眾圈中人，在樂壇他賺得最多是友情。
「我算係早期去台灣發展嘅歌手，漸漸我成為香港歌手眼中嘅台灣地膽，之後同是新秀出身嘅蘇永康，張衛健，吳國敬佢哋嚟台灣發展，自自然然搵我做佢哋嘅嚮導，亦因為咁令我認識好多圈中嘅朋友。」
- 跟同是新秀出身的梁漢文、蘇永康、吳國敬及張衛健等是老友。
立即下載APP，精彩內容壹手掌握
下載連結： http://bit.ly/Next29App如對會員訂閱制遇到任何問題或意見，你可以致電 2623 9985，或電郵聯絡客戶服務主任cs@nextdigital.com.hk，我們定當盡力協助！
來源 source: http://nextplus.nextmedia.com
|
鍾意就快D Share啦！
|
|
|
