熱爆娛樂: 與林峯母子情默契十足苑瓊丹「爆肚」谷笑料被吊冇有怕 _

2019年5月31日星期五

與林峯母子情默契十足苑瓊丹「爆肚」谷笑料被吊冇有怕 __,林峯,苑瓊丹,

與林峯母子情默契十足苑瓊丹「爆肚」谷笑料被吊冇有怕
31分鐘前

馬上成為壹會員

會員專區只限會員閱讀

由林峯、蔡卓妍、方中信領銜主演的年度超級網劇《PTU機動部隊》正於「黃Viu煲劇平台」熱播，劇情進入「大直路」高潮迭起，除了林峯、蔡卓妍與張繼聰的感情瓜葛備受關注外，PTU遇到的案件亦越來越棘手，不過再緊湊的故事，都需要一點「緩衝」，當中飾演林峯「爛賭」母親的苑瓊丹（苑仔），在戲裡不乏惹笑「爆肚」，成功為全劇帶來喜感。

私伙打造爛賭look

擅演喜劇的苑仔，在《PTU機動部隊》中再次發揮喜感本色，飾演林峯「爛賭」母親，性格樂天、玩世不恭，二人母子情戲份既搞笑又煸情，其中苑仔更不時「爆肚」兼開「黃腔」，對此苑仔表示：「我都唔記得有講過『黃色笑話』，成日都『爆肚』。今次合作班底、導演都好熟，佢哋好放手畀我去改、去做，導演有時仲會打電話給我，話聽日場戲想諗諗有咩搞，務求每場戲都有精彩嘅部分，好多謝大家對我信任。」除了對白之外，苑仔透露為配合「爛賭」造型，她亦出動私伙耳環，她說：「劇中我戴住隻關刀耳環，賭錢嘅時候就劈劈劈，呢隻玉造關刀耳環，係我開拍前特登花了五千蚊買回來，呢隻關刀耳環由一千蚊到五千蚊都有得賣，我有朋友話隻耳環用來拍戲，唔需要買太貴，幾百蚊買隻就得，不過我對自己係有要求，所以買咗最貴嗰隻。」

無懼吊高親身上陣

提到與林峯的母子情默契十足，苑仔表示曾跟林峯在內地合作拍劇，日對夜對，私下已經很熟，今次飾演母子，合作上難免會較流暢，問到除了林峯外，苑仔是否跟不少小生演過母子？她表示：「除了林峯，黃宗澤都演過我個仔，我亦有同馬國明合作過，其實好多小生都有合作過，好似羅嘉良、黎耀祥、張家輝，不過我做人阿媽都係近幾年嘅事，我曾經都做過黃子華女友，但後來拍《男親女愛》就做咗佢個長輩角色『仙姐』。」此外，《PTU機動部隊》中有一幕講述黑幫為威脅林峯，綁架苑仔用吊車把她吊在十層樓高半空，雖然驚險，但拍攝期間苑仔堅持親自上陣，事後她表示：「而家嘅威吔好似麻繩咁粗，唔會驚，加上幕後工作人員同我好熟，唔會整蠱我，我都好放心拍攝呢場戲。」