愈爆愈多嘢！
藝人姚子羚因與模特兒蔡宛珊（Sarika）前夫Raymond拍拖而成為傳媒焦點，雖然Sarika與子羚先後已跟男方分手，二人亦已放下，重回自己的路，而正印Sarika亦不深究甚麼所謂「重疊」時間，不過，似乎仍有人放不低，不時爆相爆聲帶，但傳聞中的「二奶」從沒現身，亦只是所謂的二奶「閨蜜」爆料。
雖然今次有子羚與Raymond「開眼」合照，好似同上次子羚聲稱自己不知情況下而「被合照」的相片很相似，但細看下，兩張相片根本不同時間拍攝的，上次子羚「被合照」的相片是化了妝，而今次的卻是素顏及穿泳衣拍攝，再講，情侶影合照，去泰國又好、美國也好，一般的情侶合照，有何相干？而聲帶中，子羚更勸Raymond改好重投Sarika身邊，又有何居心？
對此，東網記者聯絡Sarika，她再次重申謂：「其實我同Raymond於2017年年初分居，之後Elaine（姚子羚）或者其他異性幾時出現，有冇重疊呢啲嘢，我唔清楚，亦唔想深究。」問到覺得是誰繼續不斷放料時，她謂：「唔知，唔想猜測。（係咪覺得有人放唔低？）唔想猜測，已經唔關我事！」再問她覺得子羚是否受害者時，Sarika坦言：「個個都係受害者，因為我同Elaine係圈中人，仲有影響Raymond同所有牽涉事件嘅人，希望事件快啲完結！」
而姚子羚亦回應表示：「要澄淸嘅我之前已澄清咗，其實我同Raymond已經回復普通朋友關係，所以關於佢嘅嘢，我唔方便再作回應。事情已經告一段落，所以再發放一啲有我嘅相片或對話，其實係冇意義嘅！我嘅心情同工作都唔會受呢件事影響，多謝大家關心。」
來源 source: http://hk.on.cc
|
鍾意就快D Share啦！
|
|
|
