由黃渤孭飛的大陸真人騷，找來患了認知障礙症老人來演出，蘇施黃直斥殘忍。
DJ蘇施黃在其主持的電台節目上炮轟由影帝黃渤孭飛的大陸真人騷《忘不了餐廳》，雖然沒有直接開名，但呼之欲出，直斥搵患了認知障礙症（以前稱老人癡呆症）的老人家做節目，是十分殘忍的行為。
由於蘇施黃的母親亦是認知障礙症患者，她說：「我一啲都唔覺得（節目）得意、我一啲都唔會欣賞呢啲咁嘅節目，絶對唔係雪中送炭，亦唔會教到你點樣同認知障礙症患者相處嘅方法…」她坦言媽咪誤會子女是兄妹多年，雖然曾經是校長，但患病後已經不懂得閱讀，要父親每天為她讀報紙。
蘇施黃認為這類真人騷絕對無法為觀帶來娛樂，反而會誤導觀眾：「第一，搵幾個唔係冇記性而係有病嘅老人嚟玩，我一啲都唔欣賞，第二，只係同佢哋（病患者）相處幾個鐘頭或者幾日，同要照顧一個患咗認知障礙嘅人同住，係吃力到無法講畀你聽有幾吃力，跟本唔係一個鼓勵。」並強調每個患有認知障礙症的患者病程各異，如果用拍人騷的方法去令大家關注這個病，這會弄巧反拙，真係無厘頭。
來源 source: http://hk.on.cc
|
鍾意就快D Share啦！
|
|
|
