姚子羚早前被爆與夜場前董事Raymond秘密拍拖，Raymond當時更被指有索老婆蔡宛珊（Sarika），更有「二奶」，Sarika立即澄清已經離婚。Sarika前日接受《蘋果》專訪，再提到姚子羚，她坦言兩人有就事件聯絡過；至於與同度十載歲月的前夫Raymond離婚，她感慨地說：「係人生最難嘅抉擇，同最難行嘅一步。」
採訪：嵐山
攝影：林德雄
相關新聞：童年受歧視 被叫「差妹」
蔡宛珊由15歲開始做模特兒，之後轉型做司儀，近年加入ViuTV做主持，不過入行19年的她，對觀眾而言，仍然好陌生。直至近日一單桃色新聞，有指姚子羚搶人老公，在Sarika與前夫Raymond仍未搞清離婚手續時，已搭上Raymond，男方還有圈外女友，Sarika才有機會登上C1頭條。
默默耕耘無人問，會否有點不甘心？Sarika前日接受《蘋果》專訪時，淡淡然說：「所有事發生都有佢嘅原因，我咁多年喺呢行，名利上唔算大紅大紫，但都多謝客戶支持，每年都搵返我做司儀，多年來儲到啲錢，24、25歲就同前夫（Raymond）夾錢買樓，算好好彩。」
| | |
前夫做樓面出身
Sarika與Raymond拍拖四年，結婚六年，共同走過十年的日子，她坦言分開亦是一個艱難的決定：「係人生最難嘅抉擇，同最難行嘅一步，分開唔係一個半個原因，有生活上嘅分歧、價值觀唔同，但感恩呢段時間家人同朋友都好支持我。」有指Raymond一直希望復合，曾否心軟？Sarika想了一會說：「畢竟都十年，冇話心唔心軟，好多原因，都知呢步都要行。」有指姚子羚疑搶人老公，Raymond又有二奶，Sarika不願多談，但她就坦言曾與姚子羚聯絡：「同佢（姚子羚）係普通朋友，有就呢件事聯絡過，但過去咗，乜奶都好，唔去諗、唔回應，唔想深究。」
婚前婚後，其實Sarika都不乏追求者，她自言不是一個貪錢女人：「認識我前夫時，佢都唔係一個有錢人，佢都係做樓面，大家真係一齊成長，一齊努力，我不嬲都係靠自己，公一份婆一份，從來冇攞過家用，完全冇。」曾有傳Raymond將昔日愛巢賣掉，給予Sarika贍養費，她再度否認：「我哋係喺律師面前，將錢一人一半分咗佢，我就用嗰筆錢加埋積蓄購入現在住緊嘅單位，一個單身女人要做嘢、要供樓、要生活係吃力，但我相信繼續努力係會捱得過。」
相關新聞：【自薦做模特】入行19年主力做司儀
擇偶要專一誠實
現年34歲的Sarika對愛情仍充滿憧憬，至於擇偶條件，她直言：「最重要專一、尊重同誠實，大家價值觀要相近，因為我好重視家人同朋友，對方要錫同尊重我屋企人同朋友，錢對我唔係首要條件。」會否考慮雪卵？她說：「我都鍾意小朋友，我個人比較健康，鍾意運動，相信體力都應付到（生小朋友），如果過多兩年仲未有機會，都會考慮雪卵。」
|
鍾意就快D Share啦！
|
|
|
