谷友們都幾熱衷討論嘅一個話題就係，點解從來都冇一個雇主走出黎撐二汪，話佢做陪月做得好？大家都估，肯定係佢一直都做得唔好啦。但又話說回來，點解有冇以前嘅雇主，走出嚟數佢嘅不是呢？尤其係好似二汪咁嘅做嘢方法，根本就係一直以來嘅陋習，絕對唔會話以前做得好好，而家越嚟越衰。咁點解從來冇人投訴過？
我嘅一個推論係：响開page之前，二汪根本從。未。做。過。陪。月。
二汪page係2018年四月開嘅。有證據顯示，二汪响2017年9月，仲係sell緊托兒服務，隻字不提自己有陪月證書，更遑論sell自己嘅陪月服務（的而且確，從來都冇媽媽見過二汪嘅證書）。試問一個自稱由2010年開始就做陪月嘅人，點會響2017年嘅時候仲sell緊托兒服務？尤其係陪月好賺過做托兒咁多。
其次，由二汪幫BB包布換衫嘅手法，完全係姐手姐腳唔熟悉 ，連抱初生嬰兒嘅手法都非常之唔穩陣，絕對唔係一個抱左八年初生嬰兒嘅人。育嬰常識更加係等於零，餵奶同換尿片嘅次序都搞錯 。連唔幫BB換片，會發生尿液倒流傷腎呢啲說話都講得出。海參又唔識煮，海底撈湯底烏冬加芝士腸都夠膽攞嚟做月子餐，仲有半生熟魚餅，全部都證明左一點：佢係唔識煮飯嘅。
仲有一點，就係二汪虛報年齡。佢接受經濟日報訪問嘅時候，明顯同記者好friend，大大個標題寫着70後陪月。成件事根本無私顯見私，就係想宣揚佢係七零後呢件事。但從各種證據顯示，二汪係響80/81年出生嘅嘅。91年佢四年班，推斷落嚟，佢而家應該係37/38歲，其次就係，二汪嘅身分證係Z5字頭嘅。根據政府資料，Z字頭嘅身分證擁有人，全部都係80年後出生嘅。從來只聽過女人改細年齡，就係冇聽過女人改大年齡，重要大肆宣傳自己幾多歲。為咗乜？就係為咗呃年資。去年二汪約36/37歲，如果吹自己有七年陪經驗，即係話佢29/30歲已經開始做陪月，佢覺得咁樣有啲講唔過去，於是為咗虛報年資，二汪把心一橫，連個年齡都可以虛埋。
又回到開始講嘅嗰個問題啦，讚又好彈又好，點解冇任何前嘅雇主出嚟講兩句？原因好簡單，因為二汪從來都冇做過陪月，自然就唔存在前雇主呢樣嘢。二汪2018年四月開page，到七月，已經有七萬幾粉絲，仲出埋書，二汪人氣一時無兩。Yankee明顯係響呢段期間成為二汪嘅讀者，8月開始同二汪聯絡， 9月22號正式簽約，所以，Yankee應該係最早搵二汪做陪月嘅讀者。後來出現咗大慨7,8個定咗二汪做陪月嘅苦主，簽約日子全部都係分布響十、十一、十二月一月咁，冇一個係早過9月嘅。點解？因為二汪嘅客戶群，係百分百由讀者群組成，佢未紅之前根本冇客，係等到七月走紅後，九月打後就開始客人接客人，全部都係讀者。响Yankee之前，二汪根本從來冇做過陪月，又何來前客人幫佢背書或投訴呢？
Ockham's Razor話俾我哋知，好多時，其實事情並冇咁複雜，用最簡單直接嘅解釋就可以。用過二汪做陪月嘅媽媽又好，我哋呢班研究左佢好耐嘅人又好，不約而同嘅問題係，點解二汪可以做陪月做到咁差？完全冇陪月應有嘅知識技能？答案就係：因為二汪根本從來就唔係陪月。
|
鍾意就快D Share啦！
|
|
|
