港府硬推《逃犯條例》引發103萬人上街，民怨沸騰，今日特首林鄭月娥宣佈暫緩修例，DJ森美接受電話訪問表示：「暫緩梗係舒一口氣，代表香港年輕人嘅和平行動冇白費。」
很多市民對暫緩唔收貨，森美認為當務之急，大家要做好市民份工：「我喺電台節目開始呼籲香港市民做自己工作，就係7月2日前登記做選民，因為11月24日就係議會選舉，一定要投代表到自己、講香港人話、聽香港人話嘅議員進入議會。」
森美認為：「香港人唔可以每一次都靠我哋嘅年輕人上街，每次都要用呢種咁辛苦方法，先可以阻止唔代表香港人嘅法案通過，喺議會上應該要有代表到香港人嘅議員，所以由而家開始，我會努力向身邊朋友同喺電台呼籲，希望大家繼續努力。」
相關新聞：催淚彈不再催淚時 6.16再上街
導演張同祖雖然知道林鄭今日舉行記者會，宣佈《逃犯條例》修訂暫緩，但他並不收貨，他說：「點解要暫緩，為了有個好下台階？我覺得應順民意撤回呢條例。所以聽日我會繼上街遊行，直至條例撤回為止。」問到好多人認為林鄭應該下台？他都認同說：「林鄭確實應該下台，而家社會分裂成咁，完全係佢做成，我最不滿係佢話周三學生出嚟示威，俾佢講成係暴動，班後生仔只係不滿政府施政，激發佢哋上街申訴，佢哋又唔係有組織性，點可以構成係暴動，呢個講法好有問題。」
《非同凡響》導演歐文傑受訪時，對暫緩修例不收貨，更認為林鄭應就今次事件下台。但因為明天歐文傑不在港，故不能參與遊行，他說如果在港一定會參加，希望親友能代自己上街。歐文傑又說：「從政府的現在表態及警方的拘捕行動，政府原意或許是殺一儆百，製造社會恐懼的氣氛，再加上政府是零民意授權及認受性的，所以我不認為政府會放生學生。市民一定要出來，要求政府釋放所有被捕學生，及所有的政治犯。」
民陣6.16反惡法遊行
日期：6月16日（日）
集合地點：維園草地
時間：下午2時30分集合、3時正起步
遊行路線：維園至金鐘添美道立法會
民陣6.17三罷集會
日期：6月17日（星期一）
集會地點：立法會外集會
（資料來源：民陣）
-----------------------------
6月14日至22日 《GAME迷鬥一餐》
玩《小小金魚跳躍王》即有機會贏取 OUTBACK $100現金券
http://bit.ly/2HW1FUH
-----------------------------
【新聞有價】繼續撐蘋果
請往蘋果日報網站了解更多
|
鍾意就快D Share啦！
|
|
|