200萬人上街反送中，林鄭民望創新低，但唔只香港人覺得佢難頂，做佢老公都唔易。第一先生林兆波就有老婆等如冇老婆，壹仔見親佢都係獨來獨往。林鄭亦曾承認同老公見面嘅時間，少得唔係好正常。
據知林兆波同囝囝依家身在英國，而喺林鄭提出修訂逃犯條例之前，佢已經唔想理老婆啲嘢，寧願去書店避世。
雖然月前老婆民望已經相當麻麻，但林兆波冇擔心被央及，無保鑣無助手，如普通人一樣單拖周街逛，同好有官威嘅老婆完全相反。
佢喺書店主要睇文學同旅遊書，其中對講東京隱世地道小店嘅《東京甘味食堂》，最有興趣。
其實佢幾喜歡日本文化，試過單拖去睇日本名導黑澤明嘅經典之作《我對青春無悔》，呢套戲講學生爭取言論同學術自由，但俾政府鎮壓，最後學運分子變成階下囚。
真係好諷刺，估唔到依家佢老婆變成下令對付學生嗰個。
講番打書釘嗰日，林兆波非常環保，睇完書即刻用自備嘅濕毛巾狂抹手，抹完手又抹面，足足抹咗兩分鐘，其實啲書有冇咁污糟呀？
抹完仲摺好毛巾，放番落個膠盒仔，非常企理
雖然佢對外表現友善，但唔係大家想像中咁唔識振夫綱，之前講到林鄭做嘢做到三更半夜，佢就鬧老婆：「你仲未瞓？你唔好咁黐線」
希望今次林兆波都點醒老婆，真係唔好咁「黐線」
立即下載APP，精彩內容壹手掌握
下載連結： http://bit.ly/Next29App如對會員訂閱制有遇到任何問題或意見，你可以致電 2623 9985，或電郵聯絡客戶服務主任cs@nextdigital.com.hk，我們定當盡力協助！
來源 source: http://nextplus.nextmedia.com
|
鍾意就快D Share啦！
|
|
|