熱爆娛樂: 【鎮台三寶】年輕時是個萬人迷黃淑儀：追我嘅有錢到你唔信 _

2019年7月12日星期五

【鎮台三寶】年輕時是個萬人迷黃淑儀：追我嘅有錢到你唔信 __,黃淑儀,

黃淑儀是麗的第二期訓練班出身，68年轉投TVB之後，跟汪阿姐和李司棋成為「鎮台三寶」。翻開舊照片，GiGi姐都忍不住笑說﹕「睇番啲相，都算係一種鞭策，點解而家咁肥，但我奶奶成日叫我唔使減，話呢個年紀，呢個體形啱㗎喇，哈哈。但幾年前，我膝頭半月板撕裂，做過微創手術，其實都要減吓。」
相關新聞：【多才多藝】黃淑儀13年奪世界性烹飪美食大獎《蘋果》前社長董橋提筆祝賀

其中一張白色超低胸大露背裙，在80年代真是好大膽，GiGi姐卻說得輕鬆︰「我覺得冇乜嘢啫。」她曾經當過模特兒，還試過真空行Catwalk，她說﹕「唔係話性唔性感，而係有冇咁嘅需要，嗰件衫係貼到不得了，唔可能着內衣，咁我就唔着啦。」

GiGi姐個性爽直，集仙氣和型女於一身，年輕時已是個萬人迷，她自豪地說﹕「婚前婚後都多人追㗎，有啲有錢到你唔信，如果我願意約會，就問我今日着乜衫，開一架同顏色嘅勞斯萊斯嚟接我。」未滿18歲，已有人向她求婚：「入行前我喺日本修讀櫥窗設計，但監護人個仔表示對我有興趣，話唔訂婚就冇得留低，咁我梗係唔肯啦。」
相關新聞：【爆拒續約內幕】黃淑儀細仔遭TVB雪藏：佢點會諗到呢個圈子咁黑暗

輾轉間，GiGi姐投考麗的訓練班，未畢業已有機會做報時員，但亦因為派系鬥爭，無辜被炒。她說﹕「嗰時公司叫我哋去遊船河，我着咗一條白色長褲加丁字涼鞋，然後拎一個膠袋放暈船藥。去到先知原來係上戰艦參觀，汪明荃、禤素霞都打扮得好靚，我着成咁梗係尷尬，我就叫其他人行先，自己躲喺後面，因為實在太醜。結果第二日返到公司，就被鍾啟文（前麗的總監）召見我，話『我哋訓練一個人出嚟，唔想佢唔聽公司說話』，咁我就被人炒咗。」原來當時已有派系鬥爭，上位得太快，亦好快被人推下去。

在失意日子，GiGi當起模特兒，幸運地工作不絕，很快更獲簡而清推薦予鍾景輝，有機會接演全港第一部長篇電視劇集《夢斷情天》，她說﹕「King Sir畀咗段對白，『文景哥，你放心啦，你去讀書，幾時返嚟我都等你嘅』，叫我用唔同語氣演繹出嚟，呢啲真係塞翁失馬，焉知非福。」

當年盛傳GiGi姐與阿姐汪明荃不和，GiGi姐否認：「其實同煮嘢食一樣，都係各施各法，咁多角色都做唔晒，唔啱你做就係唔啱你做，有乜好爭？尤其我嫁咗畀劉芳剛之後，你都可以問番TVB高層，我從來唔上5樓，即係大粒佬坐嘅地方。」有指阿姐拍《書劍恩仇錄》劍傷她的左眼眉心，她拿起當年一張當年舊照，背面清楚寫着「1976年4月18日拍書劍被汪明荃劍傷後，赴台休息」，相中她抱着一對子女，笑笑口說﹕「冇嬲，基本上佢唔係有心，我仲因為呢件事，無端端攞咗幾日假期去台灣住。」

採訪：嵐山

攝影：仇志德

攝錄：馮嘉銘

GiGi姐拎住一張張舊相片，甚是回味。	 當年黃淑儀與汪明荃和李司棋被視為TVB「鎮台三寶」。（資料圖片）	 GiGi姐不介意健康性感，80年代都好出位。（圖片由受訪者提供）
 （圖片由受訪者提供）	 黃淑儀、盧大偉和黃韻詩（圖片由受訪者提供）	 GiGi姐曾做過模特兒，真空上陣亦不介意。（資料圖片）
 謝賢與黃淑儀合作無間（資料圖片）	 還有周潤發（資料圖片）	 GiGi姐被阿姐劍傷眼眉，反而有機會放幾日假與子女一齊到台灣玩。（圖片由受訪者提供）
 GiGi習慣在相片背後，記下時間、地點和所發生的事。（圖片由受訪者提供）	 GiGi姐的長腿真是超煞食（圖片由受訪者提供）	 曾有導演要求GiGi姐箍牙以換取做女主角，但她都拒絕。（圖片由受訪者提供）
 GiGi姐小時候已經好靚女（圖片由受訪者提供）