John Lennon與連儂牆的四件事
Imagine all the people Living life in peace.
最近香港四周圍都見到連儂牆，各區市民都將自己嘅訴求同心聲寫喺Memo紙再貼喺牆上。連儂牆係以Beatles成員John Lennon命名，今次就分享一下關於連儂牆嘅四個冷知識。
1.連儂牆嘅起源
連儂牆原址位於捷克布拉格，喺一九八一年民眾冇辦法再忍受共產政權，於是喺布拉格修道院大廣場嘅其中一面寫左抗議標語，當更加畫埋John Lennon個樣，寫埋佢嘅歌詞。後來警察暴力鎮壓學生同示威者，參與嘅人仲畀人叫做「連儂主義者」，因為John Lennon由八十年代開始就被視為反戰、追求和平嘅代表。
2.John Lennon冇去過連儂牆
雖然連儂牆係以Lennon命名，但係佢本人係冇去過連儂牆，因為佢喺一九八零年十二月八日喺紐約嘅屋企附近狂迷開槍殺死。而連儂牆喺一九八八年先出現，雖然佢冇機會親身到連儂牆，但大家仍然會將佢嘅精神以唔同嘅形式承傳落去。
3. 小野洋子二零零三年去過連儂牆
雖然Lennon去唔到連儂牆，但係佢太太小野洋子因為喺二零零三年嘅時候喺捷克舉行個人展覽《Women’s Room》，所以就有機會到連儂牆，當時佢仲簽名留念。小野洋子係世界知名嘅藝術家，佢當時之所以搞《Women’s Room》嘅個人展覽係因為展覽主題係希望世界都可以關淮女性權益，而佢仲特別提到全世界有超過五百萬個女性知識份子同埋醫生，因為畀人指控係女巫而被殺。所以佢當時嘅展覽係希望可以帶出女性歷年以嚟面對嘅問題，希望可以推動社會改變。
4. 連儂牆外觀不停改變
連儂牆喺一九八一年因為反共產政權而出現，係世界最重要嘅地標同文代象徵，但係佢唔似其他文物咁受到嚴格保護。反而只要你有顏料有筆喺手，就可以自由喺牆上創作，唔需要理之前留落嘅作品都得。所以連儂牆上嘅標語同畫作一直都喺到變，但最核心嘅和平、反戰嘅精神就一直都喺度。
4. 連儂牆不斷在改變
連儂牆於一九八一年出現，是重要的地標及文化象徵，但它不似其他文物般受保護，反之有一個不明文規定，就是只要你有顏料在手，便可以不必管前者的塗鴉畫上你的創作，所以連儂牆的模樣不停在轉變，唯一不變的就是和平、反戰的信息一直都在。
來源 source: http://www.upower.com.hk
|
鍾意就快D Share啦！
|
|
|