- 【阿倫撐警CD碎片遍地開花】何韻詩不屑 發文:極權要你哋低頭乖乖站台？
- 15分鐘前
馬上成為壹會員
會員專區 只限會員閱讀
尋日譚詠麟同阿B鍾鎮濤，及梁家輝出席「撐警集會」，阿倫阿B仲高調上台發表撐警論，又話今次出嚟不談政治，結果唔單止黃耀明都睇唔過眼在ig發炮，連班歌迷都憤，將珍藏嘅阿倫CD整爛，有的士輾碎、鎚仔揼碎、今日有歌迷帶同珍藏黑膠碟到維園踩爛，一日之間阿倫「粉身碎骨」。
何韻詩睇完明哥段文，不禁讚:「明哥好嘢！」，之後佢亦發文: 「老實講，我其實一直都對所謂「同行」所謂「前輩」比較忍讓，始終都叫做同一個界別，就算點俾記者問，點嬲都好，都盡量唔想點名批評。
但原來荒謬只會更荒謬，墮落原來可以如此沒有盡頭，唔可以出聲支持嘅，有苦衷嘅，算，我可以諒解。
但要走上台聲援再向弱者踩多幾腳嘅呢啲，絕對不能容忍。一個二個雙重標準，什麼「不談政治」？當年無利益衝突就高調支持北京學生，去跑馬地表現悲壯；過咗三十年時勢唔同喇，而家你地自己屋企有事啊，要你地支持學生就懶高尚「不談政治」，極權要你地低頭就乖乖站台？一知半解、睇咗幾條片就覺得掌握真相嘅人，你地無資格批評我地嘅年輕人。
你地催眠到自己，都說服唔到真正嘅香港人。」
立即下載APP，精彩內容壹手掌握
如對會員訂閱制遇到任何問題或意見，你可以致電 2623 9985，或電郵聯絡客戶服務主任cs@nextdigital.com.hk，我們定當盡力協助！
來源 source: http://nextplus.nextmedia.com
|
鍾意就快D Share啦！
|
|
|
