明日是中共透過「8.31決定」對香港真普選落閘5周年，香港在無形的鐵幕下，經歷抗爭、打壓，甚至清算，因為「在艱難時刻仍敢於散播希望」罪名入獄的佔中三子之一戴耀廷，8.31前約兩周獲准保釋等候上訴。自身未來是未知數，香港命途亦如是，但反修例運動卻給戴耀廷曙光：不分和勇、國際連結，香港人都做到了，無奈戴預視8.31死結只有中共可以解開，相信香港政制會進入膠着狀態，白色恐怖更是必經的「陣痛」，但他指港人必須繼續這場「世界波」：「我哋不斷去（國際）講香港故事、喺香港去寫自己嘅故事，等候一個轉變嘅機會。」
記者 梁穎妍 許偉賢
佔中九子案在4月反修例運動未全面爆發前判決，戴耀廷被判囚16個月，本月中獲准保釋等候上訴，步出犯人欄時運動已演進，勇武抗爭意識逐漸茁壯成長，與政權鎮壓手段都不斷升級，山雨欲來，清瘦不少的他接受《蘋果》訪問，談論局勢卻不減樂觀：「2013、2014年唔好講勇武抗爭，連公民抗命都唔係主流。」但5年來被「壓住壓住」的市民在心中抗爭，戴指香港社會運動已不需要如摩西般的領袖號召，「（拘捕）800幾個人，就算你拉晒、告晒佢哋，關晒佢哋，坐10年都好，個運動都唔會消失，好多人會繼續延續緊個運動」，認為「勇武」與「和理非」結合是當權者漠視民意下的必然規律，但必須慎思如何協作，「跟住點運用具體戰術？每個人有唔同睇法，應唔應該封機場或者點樣，有唔同睇法，但係係好互動，最緊要好自發、自主，同埋有修正能力」。
中共揚言止亂制暴，鎮壓示威活動也出招分化，戴認為特區政府認受性低已重傷，招數只會越來越少，「當成個社會有80%人反緊你嘅時候，你點管治啫？你管唔到，你壓得到你都管唔到」，但他坦言香港無法擺脫「中國元素」，面臨死局，「佢又管唔到我哋，又郁唔到，改變唔到個本質，會係一個膠着狀態一段時間，主要鬥耐力、韌力，睇雙方韌力」。面對困局，戴形容「不分和勇」是基本，「點樣結合去成個國際環境裏面係更進一步要諗嘅嘢，今次你睇到抗爭者好聰明地將件事帶到去國際」。
戴笑言去年與民主派人士赴英游說保守黨議員關注香港政制，「真係好艱難，冇人想理呢個問題」，但在外媒登廣告、「香港之路」人鏈活動後，香港問題已被置於前所未有的國際高位，在中美貿易戰環境下中共也不敢過份任意妄為，死局之下的生機，是香港人繼續打「世界波」。無可否認的是，白色恐怖籠罩全城，中共多年滲透逐漸收網下，市民抗爭成本增大，戴坦言：「我（哋）經歷緊生產前嘅陣痛，唔好輕看，係好痛嘅事。」但他相信港人多元抗爭成為穩固基礎，已在國際環境、中美貿易戰對中共構成嚴苛挑戰，預期「未來一兩年見真章」。
還原基本步，8.31決定落閘將香港真普選重門深鎖，要解開社會深層次矛盾，還在政制改革，樂觀的戴耀廷也很現實：「呢個唔係香港呢面可以做到嘅嘢，必然係要中國內部有出現改變，我哋先有機會解得開個結。」提倡過風雲計劃搶攻區議會、雷動計劃為立法會選舉策略配票，戴認為現已毋須計劃，香港人也自動波行動，強調區議會、立法會選舉民主力量若獲勝，能增強體制裏的力量，具守衛性也具建設性，建立強大的公民社會，例如締造成熟的民間公投制度，當政改啟步之時，或有用武之地：「未來幾年準備面對中國裡面嘅變動，無論變動由外在或內在因素造成，或者係一種演進式改變定係崩潰式改變都好，只要準備得好，就有能力面對。」
-----------------------------
8.31五周年民陣再集結
日期：8月31日（星期六）
時間：下午2時30分集結，3時起步
地點：中環遮打花園遊行至中聯辦
註︰不反對通知書申請中，正待上訴
主辦︰民間人權陣線
-----------------------------
【撐學生】
召集有心人 撐學生全年睇《蘋果》
立即按此
| 戴耀廷指修例運動應在不分和勇下繼續進行國際連結，強調白色恐怖是必經的陣痛。 | | |
| | | |
|
鍾意就快D Share啦！
|
|
|