大台套《解決師》，主角王浩信俾網民笑佢chok，跑出嘅反而係綠葉，演社團第二把交椅嘅太子李天翔。佢係大台反派專業戶、強姦犯，花弗賤男，幾壞都演過，形象被定形，唔怪得佢曾經話:我係好人，只係講出黎冇人信。
唔好以為現實嘅佢，對啲女都係衰衰格格，呢日壹仔見佢完成宣傳活動，就揸車接老婆放工，雖然等咗45分鐘，但佢冇黑面之餘，仲好有風度，開埋門俾老婆上車，之後陪老婆又一城行街，見對方買完護膚品，佢即示意幫手拎嘢，細心人夫好稱職。
其實外奸內暖嘅佢，屬專一型。入行後同過「世界妹」，亦係晶女郎嘅李思蓓拍過四年拖，依家老婆BOBO，都拍咗六年，婚前婚後無緋聞。最近喺《解決師》，同性感楊柳青浸浴調情，開機前雙眼全程望住天花板，循規蹈矩。
對於自己反派形象深晒屋，李天翔話，識新朋友時，確實需要花啲時間俾人家了解。
「奈何咁多年，差不多套套劇都係演反派角色，所以真係深入民心。
就算我識我太太時，佢都應該有呢個睇法，喺電視見到我咁樣，就覺得我真人應該都不相伯仲。
站喺佢角度，我覺得佢有壓力。佢同我一齊初期，相信佢有壓力嘅，佢都要觀察下我，到底我係咪如電視睇到嘅嗰個，鍾意去蒲嘅男人呢？」
佢話最難說服人，就係相信佢唔蒲唔飲嘅宅男。
「我唔鍾出街，又唔飲酒，尤其飲酒呢方面，外界好多人以為我寸，唔俾面人，試過登台食飯，老細叫我飲酒，我話唔識飲，講真一句，佢睇我個樣，再想像埋我以前啲角色，又點會信我係一個唔識飲酒的人。所以惹嚟好多誤會，以為我係唔俾面，真係冇辦法，個樣阿媽生成，我接受，你覺得唔俾面我真係無嘢好講。」
演奸人似奸人，其實都係一種成功。今年五月，43歲李天翔就向做咗廿幾年嘅tvb裸辭。雖然盛傳佢太太係小富婆，外父開過珠寶廠，太太Bobo則擅長炒樓，幾年前千幾萬嘅凱旋門，同二千萬嘅君匯港，都係賺住離場，依家太太就手揸新蒲崗一個工廈。
但出身基層嘅李天翔，一直靠自己密密做，早幾年拍劇之餘做埋兼職，喺泰式按摩店做過接待。加上唱得兩咀，反應快，亦接唔少外快騷。
近年佢操到一身肌肉，原來考咗健身教練牌傍身，最近開始喺朋友健身院收學生。今次跳出tvb不愁出路，因為話咁快就有內地電影搵佢拍，做「奸人」有前途！
【你爆料，我課金！】
爆相：$500 爆片：$1,000
分清黑白 壹齊揭穿社會黑幕！
и©іжѓ…пјhttps://s.nextmag.hk/e/zg7VUk287Z
-----------------------------
【壹週刊Telegram，與港人同行，每日為你推送抗爭現場實況】
дёЂж‰‹е ±ж–™пјhttps://t.me/nextmaghk
最新消息пјhttps://t.me/NextPlushk
-----------------------------
【升級壹會員登記站 為你解疑難！】
沙田、旺角、荃灣、觀塘、銅鑼灣5區為你服務
и©іжѓ…пјhttps://s.nextmag.hk/e/Tssefy687Z
|
鍾意就快D Share啦！
|
|
|