2019年11月23日星期六

陳展鵬清晨收工返家氹囡囡小豬比嘆住啜手指懶畀反應 __,小豬,小豬比,羅志祥,陳展鵬,

陳展鵬清晨收工返家氹囡囡小豬比嘆住啜手指懶畀反應

小豬比咁快就7個月大，又靚又可愛，成個公仔咁。

陳展鵬與老婆單文柔的囡囡「小豬比」現已7個月大，展鵬今早在ig上載囡囡戴住粉紅小頭箍，坐在BB椅上托住頭腳仔揈揈啜手指片段，展鵬跟囡囡傾偈，嫌囡囡沒太大反應。

展鵬對住囡囡說：「好嘆咁喎，Feel so good喎，係咪因為大咗便便，Poo Poo咗跟住好舒服依家，個肚好空好舒服係咪呀。喂，你有冇禮貌？同你講緊嘢，答兩句都好，你依家狀態如何？你話畀人聽其實你得6個零月（老婆正更正7個月了），係啦，畀少少反應好啦，以為有個公仔喺度添，冇反應喎，今日嘅反應係冇反應嘅反應。」在單文柔加把口氹囡囡，小豬比終於有反應叫了幾聲，最後還來個恐龍叫。

展鵬留言：「最近每日朝朝6、7點先收工，好似去咗外國生活咁！時間顛倒晒🤣但返到屋企見到b小豬比又開心晒！但係究竟係佢氹緊我開心？定係我氹緊佢開心呢#bossBB #陳小姐」。