掃呢頁CODE去手機

2019年11月8日 星期五

李嘉欣:同鎮宇再合作 李嘉欣演楊貴妃畀頭飾考起 __,吳鎮宇,李嘉欣,

要再見到嘉欣演戲唔容易。「大美人」李嘉欣自從結婚兼生B之後專心照顧家庭,可謂處於半息影狀態,早前爆出佢出山參加內地綜藝節目《演技派》,之後更公開咗嘉欣 ...




要再見到嘉欣演戲唔容易。


「大美人」李嘉欣自從結婚兼生B之後專心照顧家庭,可謂處於半息影狀態,早前爆出佢出山參加內地綜藝節目《演技派》,之後更公開咗嘉欣嘅「楊貴妃」造型,除美艷如昔之外,仲多添咗一份強勁嘅氣場。呢日有新片段,佢同飾演「唐玄宗」嘅吳鎮宇對戲。


佢哋之前喺電影《豐胸秘Cup》同電視劇《花月佳期》已經合作過,默契上冇難度,不過因為古裝打扮出咗好多問題,好似嘉欣坐喺度時,見衫太厚要不停搵個舒服嘅姿勢,吳鎮字都戥佢慘話:「穿古裝就是這樣了。」


之後鎮宇提意嘉欣挨喺佢膊頭度演談情戲,不過嘉欣嘅髮型同頭飾太大,一係就篤親鎮宇,一係就同鎮宇頂帽「打交」,搞咗好耐都度唔到位,最後鎮宇叫嘉欣挨喺佢心口演,點知嘉欣個髮型實在太大,一挨埋去就遮住咗鎮宇個樣,佢哋都忍唔住喺度大笑。


---------------
立即參加「賞您睇」:https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。

來源 source: http://hk.on.cc
鍾意就快D Share啦!