熱爆娛樂: 【爆相爆片】熊黛林戴口罩孖老公行超市慳家特價日買餸唔怕排長龍 _

2019年11月8日星期五

【爆相爆片】熊黛林戴口罩孖老公行超市慳家特價日買餸唔怕排長龍 __,熊黛林,爆相爆片,

熊黛林（Lynn）與坐擁家族百億資產、郭可盈胞弟郭可頌結婚3年，二人育有一對一歲半大孖女Kaylor及Lyvia，而Lynn重心以照顧囡囡為先，上月才偷時間與老公去瑞士二人世界，慶祝39歲生日。

兩公婆過完二人世界後，當然要回到現實，做返家頭細務，《蘋果》讀者張先生日前（11月3日）在太古康怡的一間超市百貨，見到二人在超市排隊付錢，從張生提供的相及影片中，身穿白tee黑牛仔褲的Lynn就無懼《反蒙面法》戴上口罩出街，而戴住cap的郭可頌就一身灰tee運動裝，拎住購物籃正在排隊，而Lynn間中有行前周圍望，再返回老公身邊，張生表示：「喺11點半度見到佢哋，由於當日係月頭特價日，超市貨品有9折，所以就有好多人排長龍等畀錢，初頭見到佢老公，冇遺意同唔認得，之後就見到一個又高又瘦嘅女士行埋去，原來係熊黛林，見佢冇化妝戴住口罩，見佢哋個購物籃係買餸，載住菜、番茄同肉類，見佢哋兩公婆都好恩愛，到畀錢時，熊黛林就幫手去拎膠袋載冰，見到係佢老公負責埋單。」

(讀者提供圖片)	Lynn戴上灰口罩去超市。(讀者提供圖片)	 郭可頌負責拎購物籃，載滿蔬菜肉類。(讀者提供圖片)
 二人在特價日來行超市，與不少市民排隊付錢。(讀者提供圖片)	 Lynn有幫手拎膠袋及冰塊冷凍食材。(讀者提供圖片)	 條人龍好長。(讀者提供圖片)
 二人有耐性地排隊。(讀者提供圖片)	 郭可頌早前與Lynn二人世界去了泰國。(IG圖片)	 兩公婆有孖女萬事足。(IG圖片)