黃子華相隔17年再自編自導自演新作《乜代宗師》
黃子華電影作品有好多，但當中最為人熟悉和記得必然是2002年的《一蚊雞保鑣》，皆因該套電影是他首次自編自導自演的作品，誰料，當年的票房但票房極度強差人意，只收得港幣11萬元，從此他就被認定為「票房毒藥」。
直至2018年，他與佘詩曼合拍電影《棟篤特工》，找來多位名人紅星參演撐場，並挑戰賀歲檔期，誰料，首日的票房已爆到「嘭嘭聲」，單日狂收2,551,915，令子華一洗「毒藥」之名。
而今年子華神繼續發功，仲實行「邊度跌底，就邊度起返身」，不單止在賀歲檔期上映，仲相隔 17 年再次執起導演筒，來個自編自導自演新作《乜代宗師》，還找來「心悠 BB」劉心悠擔任女主角。
電影新作主要講馬飛龍（黃子華 飾）是馬家雷拳第十九代傳人，卻因一次意外中，於街頭眾目睽睽下被一名女途人擊倒，而大出洋相，一夜之間身敗名裂，淪為「乜代宗師」。後來馬飛龍從記者口中知道女途人大有來頭，原來她是香港西洋拳壇傳奇人物，曾經擁有四十場不敗紀錄的奇女子 — 陳真（劉心悠 飾） ！於是馬飛龍就決定向她下戰書，試圖挽回聲譽，邊度跌低就邊度企番起身；戲內當然會有連番爭鬥，最終結局會是怎樣，就要留待大家入場觀看
細數黃子華歷年超絕核金句
「黃子華棟篤笑」超絕金句
1. 87枚「適當的武力」
「掟咗87枚催淚彈，梁振英走出來話:『警方係用咗適當嘅武力。』然後葉劉淑儀又出嚟講:『啲人有武器㗎，有把遮喎！』我唔知啲高官係點諗，唔係與民為善嘅咩？我知道你要保護警隊，但唔使下下分化得咁緊要。你可以話警隊專業，我亦相信警隊係專業，但而家嘅問題係，警隊掟催淚彈唔專業吖嘛？佢哋掟咗幾多次？香港太平盛世幾十年，10年都掟唔到1次，你10年冇煮過1次餸，你敢認大廚？」
2. 一場誤會
「如果我係政府，好簡單，當你警隊係專業嘅，但係掟催淚彈，佢哋係比較業餘嘅。冇問題㗎！等如抗議班人都係業餘，嗰班人唔係專業抗議者嚟㗎嘛！所以業餘對業餘，咁咪一齊誤會囉！和氣生財嘛！做到咁高位都唔識講？『係一場誤會！一場誤會！』咁咪搞掂。」
3. 「婆媳」糾紛
「香港回歸中國，就好似阿媽標個仔參，邊個俾贖金？當時係個母子關係，當時大家以為係。但而家已經唔係，變咗奶奶同新抱嘅關係…而家香港嘅問題，係婆媳糾紛，所謂婆媳糾紛，係種必然瀨嘢嘅關係，除非你老婆第1日入門就全心全意同奶奶講：『奶奶，我愛你！』唉呀！我講錯，對唔住，講多次，『阿媽，我愛你！』當然我哋係講唔出係咪？」
4. 有得揸唔揸呀？
「有日，奶奶教訓新抱:『你第1日入門就藐嘴藐舌，而家你有咩就攤出嚟講！』於是新抱就問:『咁6月4日你去咗邊？』奶奶就話:『你講呢啲？』最搞笑係，新抱問奶奶，話之前明明講好過幾年俾佢揸fit，點知奶奶話佢聽錯，係揸lift唔係揸fit，其後奶奶繼續補充：「揸fit又係揸，揸lift又係揸，你唔係有得揸唔揸呀？」
5. 整容定毀容？
「你係佔中，定反佔中？係視乎你覺得香港個病有幾重。我曾經聽過1對男女嘅對話：『你想整容？整容可能變毀容喎！』嗱！信呢句嘢嘅人，好可能就係周融，『唔好亂搞嘢喇！會『毀融』㗎！』咁佔中嗰班呢？你聽埋第2句啦：『你想整容？整容可能變毀容，不過對你嚟講都冇乜分別』香港點解會搞成咁呢各位？」
6. 正義撚出動
「我唔係講笑，嗰日坐喺旺角，隔籬突然有人問我：『我哋有壽司呀！重未壞，晏啲唔敢擔保。』你覺得熱，有人過嚟幫你噴嘢。『要唔要凍貼？』我唔知世上有凍貼呢樣嘢。『唔係貼喺額頭，係貼喺頸㗎！』然後有個人攞住廿樽水派俾人，一路派，一路跌，不過樽水1秒鐘就去番佢手度，1秒鐘！我真係未見過咁多咁義助嘅人！」
7. 香港中毒
「倒抽一口涼氣，係我細個睇武俠小說先睇到嘅字眼，通常啲中咗毒嘅人先會咁講，佢忽然瞓醒，見到有隻西域蜘蛛咬緊佢大髀，忽然倒抽一口涼氣⋯⋯不過呢啲字眼，而家喺香港成日聽到，點解？因為香港中咗毒。」
8. 生產力大晒
「啲人生仔就放前四後六，放幾個月假，死老竇就放1日，點解？因為所有嘢都係講生產力，你個仔生出嚟將來有生產力，你阿爸冇將來。屈原個仔死老竇有幾多日放？咪得端午節1日，佢重要包粽去賣，有生產力添！你諗清楚，生產力好緊要。耶穌出世有聖誕節，因為有生產力，咪放假囉！耶穌死係冇假放，然後耶穌復活又去放假，即係復活節。然後耶穌升天又冇假，升天係咩意思？退休移民，邊有生產力，佢重要唔買機票就退休，唔搭飛機都搭程的士去機場吖！咁就走咗，幾蚊雞生意都唔俾人做，邊有生產力。」
9. 100分的伴侶
「愛情同股票一樣，未入之前係不停咁升。但當一擁有，你就問：『點解會咁㗎？』所以世上有100分男孩、100分女孩，但就冇100分伴侶。如果重有人唔肯承認，相處就代表開始扣分，我有個例子：2人相愛，當然唔想有第三者，但點解你想生仔？『仔點會係第三者呀？』仔唔係人呀！喂，呢個第三者佔你哋好多時間㗎喎！呢個第三者，1日食6餐，隨時食埋你嗰份，『咁1男1女就梗係要生仔㗎』係囉！點解呢？因為當世界只剩下1男1女，得番你同我，你就feel到，呢個遊戲係唔玩得耐。」
10. 入廁所過人世
「好多人話21世紀人腦會被淘汰，錯…21世紀係平板電腦年代，點解有電腦唔夠，要用平板電腦呢？（然後子華踎低，扮去廁所睇電腦嘅姿勢）係咪？就係要攞入廁所都睇得方便，而家啲人入廁所好似入少林寺咁，『我唔過關係唔會出番嚟』，不過我朋友阿強，佢唔過關都會出番嚟！因為冇電嘛！自此之後，阿強好醒目，喺個馬桶邊整個插蘇掣，年三十晚入去，人日都未出番嚟！」
11.「一個女人化咗妝同落妝之後係同一個樣嘅，就叫『化妝』；如果唔同咗樣嘅，就叫『喬裝』！」
12.「老闆畀份人工你，一半係畀你做嘢嘅，一半係畀你受氣嘅。」
13.「英雄難過美人關，肥妹踩冧斷背山。」
14.「現代嘅男人係奉行三不主義：不主動，不抗拒，同埋係不負責。」
15.「有恩不報未算差，有仇不報正人渣！」
16.「錯就要認！要對方認！」
17.「損人不利己，不如跳井死！」
18.「搵食啫，犯法啊？我想㗎？」
19.「男人希望女人可以『新鮮』，而女人，就希望男人可以『保鮮』。」
黃子華電視劇啜核金句
1.「識講法文有咩咁奇，喺法國，乞衣都識講法文啦 。」
2.「各位，『尊嚴』呢樣嘢已經跑輸大市，宜家「粗鹽」都貴過「尊嚴」。」
3.「我唔係身處於呢個歧視男性的時代，不知幾多人提名我去選美啊！」
4.「你放心，人人都危險，你很安全的。」
5.「我明白點解有愛情就會冇飯碗，有飯碗就冇愛情。因為我地將個愛情擺左落個飯碗度，只要我地起個飯碗入面夾番個愛情出尼，就會冇問題。」
6.「如果原則牽涉着數就係一個好嚴重嘅問題！」
7.「人生就如流星雨，短暫而美麗，如果你沒有時間談情，就請你跟我露營！」
8.「又如何！」
9.「返工不在乎天長地久，只在乎有冇得唞！」
10.「靚就唔駛扮，扮就唔謊靚」
11.「我一聽到返工兩隻字就頭痛，我一聽到交報告就腳痛，你話要隨傳隨到，我就全身骨痛。」
12.「點解每隻螞蟻都生得一模一樣？就係要老板認唔出佢哋，一個星期返6日工，其實係6隻螞蟻，1隻螞蟻返一日，所以我地應該向政府申請，一個星期返一日工，休息6天！」
13. 「半夜三更你當呢度喺動物園？得閒就入來參觀下，你當我蝙蝠啊？」
14.「我唔該你，唔好成日猜測我們人類喺度做咩，你翻去啄木」
15.「我警告你，你再咁三更半夜走過來，我當你意圖侵犯我，我為了自衛，我成全你！」
16.「none of your business ..即係唔關你事」
17.「錢唔係問題 ，反正我無。」
18.「我好唔容易先維持到家徒四壁，擺咁多野，多一件又要多抹一件，我先唔制。」
19.「你睇吓個電視櫃有門，成日開門拎野你唔累咩？幾多家庭主婦一日到晚係咁抽筋，就係因為要開門拎野！」
20.「一萬蚊就肯定防彈啦，一粒魚蛋，無所謂」
21.「你幾時變咗做馬桶？抽水果隻馬桶呀！」
22.「你呢種係永久性傷殘，注定孤獨終老。」
23.「你呢種係永久性黑心，因住無得終老。」
|
鍾意就快D Share啦！
|
|
|
